Jeremi 44:30 - Sră Goh 2018

³⁰ Yàng Jehôwa đơs be do: ‘Do, Añ rơp phi Pharaôn Hôpra bơtau Ejiptơ, tòm tê cau sò tơm khai mơ cau jòi bơta kis khai, kung be Añ neh phi Jedekia bơtau Juda, tòm tê Nebukatnessar bơtau Babilôn, la cau sò tơm mơ jòi bơta kis khai.’”

Jeremi 44:30 Referans Kwoze

Ejekiel 30:21

“Ơ kòn mơnus, Añ neh dơrpă tơwòr tê Pharaôn, bơtau Ejiptơ dê. Gơ ò geh kơt nàng bòi, hala geh pùt mơ che bài nàng geh tơl pràn at đào.

Jeremi 34:21

Añ kung rơp phi Jedekia, bơtau Juda, bal mơ ală kwang at bồ khai dê, tòm tê cau sò tơm mơ cau kơp mòc bơta kis bol khai, hơ̆ la tòm tê mpồl ling bơtau Babilôn neh lik klàs bơh bol mê.’

Ejekiel 31:18

Chi lơi tòm ală chi tòm Eden la ndròm be mê tòm bơta gơklŏ mơ dờng ryŭ taih? Tŭ do, mê rơp kong cèng tơmù bal mơ ală chi Eden dê tus hơđơm plai ù; mê rơp bic digùl ală cau ò kong siat gơltau, bal mơ ală cau neh kong tơnchơt bơh đào. Hơ̆ la Pharaôn mơ jơh làng bol khai dê, Jehôwa Yàng Tom Trồ đơs behơ̆.”

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 44:29

Yàng Jehôwa đơs: ‘Do la tềl sơnio mơ bol mê bơh hơ̆ git Añ rơp lơh glài bol mê tòm tiah do, nàng bol mê git lah jơnau Añ đơs tòmdră mơ bol mê ngan neh gơlik di ngan.’