Jeremi 40:15 - Sră Goh 2018

¹⁵ Gen Jôhanan, kòn klau Kareah đơs òm mơ Gedalia tòm Mispa lah: “Dan ai añ in lòt, añ rơp tơnchơt Ismael, kòn klau Nethania, mơ ò gơs cau lơi git. Mbe rgơi lòi khai tă bơta kis ồng dê, mơ kòp nă cau Juda tơrgòm gùt dar ồng rơp nrah nring, mơ làng bol Juda gam wơl rơp chơt roh?”

Jeremi 40:15 Referans Kwoze

II Samuel 21:17

Mơya Abisai, kòn klau Jeruyah, tus dong kòl Dabit; Abisai tòmlơh pha rlau mơ tơnchơt cau Philistin hơ̆. Gen ală cau duh broă Dabit dê srat să mơ khai mơ đơs lah: “Bơtau bañ gơs tŭ lơi lik lòt tòmlơh tai bal mơ bol hi, tồ ồs đèng Israel dê rơp ò kòl đơp chơt.”

I Samuel 26:8

Abisai đơs mơ Dabit lah: “Yàng Tom Trồ neh jào cau sò tơm ồng dê tòm tê ồng ngai do, gen tàng tŭ do lòi añ pơng khai tòm ù dô tê lơm mơ đào; añ ò càng srơp tai dơ̆ bàr.”

Jang 11:50

Bol mê ò git wă lah chan lòi dô nă cau kong chơt ala làng bol in la niam rlau mơ jơh làng bol pal kong roh rui.”

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Sră Jop 31:31

Dilah ală cau tòm hìu nhă añ ò đơs lah: ‘Ô, kơp kòñ bol he neh geh sa hòm poac tòm hìu Jop dê!’

II Samuel 18:3

Mơya bol khai đơs lah: “Bơtau ò pal lik lòt; bơh dilah bol hi ntoat dô, bol khai rơp ò kơlôi dờng màng di bol hi; dilah nggùl tòm mpồl bol hi kong tơnchơt, bol khai kung ò sền dờng màng di bol hi. Mơya bơtau la kas màng kung be jơt rbô nă tòm bol hi. Gen tàng niam rlau bơtau ơm tòm ƀòn dờng, rcang nàng dong kòl bol hi.”

I Samuel 24:4

Ală cau jat Dabit đơs mơ khai lah: “Do la ngai bơh bơta hơ̆ mơ Yàng Jehôwa neh đơs mơ ồng lah: ‘Añ rơp jào phi cau sò tơm mê dê tòm tê mê nàng mê lơh di khai bơta lơi gơlơh niam mê in.’” Gen Dabit lòt òm tus mơ kơñau koh mum tiang ào jrùh Sol dê.

Jeremi 40:8

Gen bol khai tus hơ Gedalia tòm Mispa. Hơ̆ la Ismael, kòn klau Nethania, Jôhanan mơ Jônathan, kòn klau Kareah, Seraya, kòn klau Tanhumet, ală kòn klau Ephai ơm tòm Netôpha, mơ Jesania, kòn klau Maaka, bal mơ ală cau lòt bal mơ bol khai.