Jeremi 4:31 - Sră Goh 2018

³¹ Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 4:31 Referans Kwoze

Ñìm Rac 1:17

Siôn pò tơlik tê khai dê, mơya ò gơs cau pơndòm pơniang khai; Yàng Jehôwa neh ai gơnoar sồr tòmdră mơ Jakôp, hơ̆ la ală cau gơp ƀòn khai rơp gơlik gơs cau sò tơm khai dê; Jerusalem neh gơlik gơs dô nơm phan ngkòr ngkàc digùl bol khai.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

Mathiơ 21:5

“Yal tĕ mơ làng bol Siôn lah: Ne, Bơtau ai dê tus hơ ai, Nùs niam lơnhơn mơ hào alàng, Alàng kòn, la kòn alàng me dê.”

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Ñìm Rac 2:21

Ală cau kơnòm să mơ cau kra bic tòm ù hơđang ală gùng. Ală ùr ơruh mơ klau pơnu añ jê neh gơpừ bơh đào. Tòm ngai gơjrañ dờng Kơnràñ dê, Kơnràñ neh tơnchơt bol khai, sreh tơnchơt ò nđàc sơngit.

Ñìm Rac 1:20

Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Jeremi 50:43

Bơtau Babilôn neh kơno yal tơnggit behơ̆, gen tê khai gơlik òsô; bơta jê sồt sơmbat khai tian gơs khai jê sồt be cau ùr jê deh.

Jeremi 49:24

Damas neh gơlik mprơm, wơlke ntoat dô, Bơta rơm să neh kup khai; bơta moat jrùng jê sồt sơmbat kơ̆ khai, Kung be cau ùr ơm deh kòn.

Jeremi 49:22

Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 45:2

“Ơ Baruk! Jehôwa, Yàng Tom Trồ Israel dê, đơs mơ mê be do:

Jeremi 30:6

Lòt sền tĕ, lùp tĕ Di ngan cau klau deh kòn sơl? Ñchi bơh tài Añ gŏ kòp nă cau klau gen ai tê he ơn di but he tòm toh be cau ùr jê deh taih? Ñchi bơh tài muh mat cau lơi kung pàl lơm?

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Jeremi 10:19

Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 6:2

Añ rơp tơnroh kòn ùr Siôn dê, tus hơ ƀlàng ñhơt niam mơnĕ ngan.

Esai 42:14

Bơh jŏ rau, Añ neh ơm mŏ mŏ, Añ kư̆ ơm mŏ mŏ, mơ ruc wơl să tòm Añ. Tŭ do, Añ rơp driau dờng, be cau ùr jê deh, Añ rơp tă nhơm bòl òsô tai.

Esai 21:3

Gen tàng but añ jê sồt ngan, ală bơta jê neh gơrwàng añ, kung be bơta jê deh cau ùr dê; añ kun tơmù gen tàng añ ò rgơi kơno, Añ rngòt rngơt gen tàng añ ò rgơi gŏ!

Esai 13:8

Bol khai rơp rngòt rngơt, bơta jê sồt oă ngan rơp kup geh bol khai; bol khai kong jê sồt be cau ùr jê deh. Bol khai rơp sền rmê bal mơ gơp muh mat bol khai be ồs hơng.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Đơs Crih 120:5

Bòl glar añ in bơh añ ơm ing tòm Mesek, Mơ añ pal ơm digùl ală sàl Kedar dê.

Sră Jop 10:1

“Añ neh làp dil rài kis añ; añ rơp yoam pơrhiat khat gơboh, Mơ añ rơp đơs tòm bơta sràt bơtang hwềng soàn añ jê.

Sơnròp Gơlik Gơs 27:46

Rebeka đơs mơ Isak lah: “Añ neh bòl glar, ò bài kis tai, bơh ală kòn ùr cau Het dê. Dilah Jakôp kòñ bau mơ dô nă tòm ală kòn ùr cau Het dê, hơ̆ la dô nă cau ùr tòm lơgar be ală cau do, gen mbe añ kòñ kis tai taih?”

Esai 26:17

Be dô nă cau ùr bun mòr deh, jê sồt mơ nggà ñìm jê deh tòm tŭ di di tŭ khai dê.

Mice 4:9

Tŭ do ñchi bơh tài mê driau dờng behơ̆ taih? Mê ngan ò gơs cau bơtau at bồ ơ? Ală cau bơyai broă mê dê neh chơt roh, bơta jê sồt gơrwàng mê kung be cau ùr jê deh sơl ơ?

Mice 4:10

Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.