Jeremi 4:23 - Sră Goh 2018

²³ Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Jeremi 4:23 Referans Kwoze

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Sơnròp Gơlik Gơs 1:2

Mơ ù ò gơs rùp, pah gòi lơm, bơta klam jơngo ơm hơđang mat cìr jrô; Hwềng Yàng Tom Trồ wañ hơđang nha dà.

Amôs 8:9

Tòm ngai hơ̆ Jehôwa Yàng Tom Trồ đơs lah: “Añ rơp lơh mattơngai ñơp tòm tŭ nggùl ngai, mơ lơh plai ù in klam jơngo tòm tŭ trồ ngai.

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 2:12

Ơ ală tap trồ, ai lơh krơi tĕ bơh bơta hơ̆; Nrơt nrơl tĕ, neh roh gơprah jơh.” Yàng Jehôwa đơs behơ̆.

Ñìm Rac 3:2

Kơnràñ neh bơtrơh tơlik añ mơ cèng tơmut añ tòm bơta klam jơngo, ò gơs dô êt lơi bơta àng.

Sacari 14:6

Tòm ngai hơ̆ rơp ò gơs bơta àng, ò noat hala mrềt.