Jeremi 37:15 - Sră Goh 2018

¹⁵ Ală kwang at bồ gơjrañ Jeremi; gen pù lơh mơ jàm tòm hìu cau gơnoar cih Jônathan; bơh cau ai hìu hơ̆ lơh gơs hìu jàm.

Jeremi 37:15 Referans Kwoze

Jeremi 38:26

mê pal ho lah: ‘Añ neh rac dan bơtau bañ lòi añ rê wơl tòm hìu Jônathan, rngòt añ chơt tềng hơ̆ sơl!’”

Broă 5:18

gen lơh nền kup ală cau gơnoar bơto dờng mơ krơ̆ tòm hìu jàm.

Mathiơ 21:35

Mơya ală cau lơh suơn kup ală cau dĭ, pù lơh cau do, tơnchơt cau ne, mơ cơm lŭ di cau dă.

Jeremi 26:16

Ală kwang at bồ mơ jơh làng bol, đơs mơ ală cau gơnoar ơn phan duh khoai mơ ală cau gơnoar hwơr lah: “Cau do ò di pal chơt; bơh khai ai sơnđan Jehôwa Yàng Tom Trồ bol he dê mơ đơs mơ bol he.”

II Yal Yau 18:26

mơ đơs lah: ‘Bơtau đơs be do: Jàm tĕ cau do tòm hìu jàm mơ siam khai mơ piang lă mơ dà bơta bòl glar jơl tus di tŭ añ rê wơl lơngap lơngai.’”

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

Sơnròp Gơlik Gơs 39:20

mơ khai kup Jôsep tơmut tòm hìu jàm, la tiah jàm ală cau tìs glài mơ cau bơtau. Behơ̆, khai ơm jàm tềng hơ̆.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Broă 5:40

Bol khai hòi wơl ală cau gơnoar bơto dờng mơ sồr cau pù lơh, lồc behơ̆ bơkơ̆u bañ ai sơnđan Yàng Jesu nàng bơto yal tai, gen hồ tơlik bol khai.

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Jang 18:22

Neh Kơnràñ đơs behơ̆ gen dô nă cau ling ơm tềng hơ̆ pah Yàng Jesu mơ đơs lah: “Mê ho behơ̆ mơ cau gơnoar dờng lam bồ ơn phan duh khoai ơ?”

Luka 22:64

Pùt dơp mat Yàng, gen lùp lah: “Đơs hwơr tĕ! Ñcau neh pù lơh mê taih?”

Mathiơ 23:34

Gen tàng, Añ sồr ală cau gơnoar hwơr, ală cau jak chài, mơ ală cau bơto bơta boh lam tus hơ bol mê; gen cau ƀà bol mê rơp tơnchơt mơ pơng hơđang chi pơng, cau ndai bol mê rơp pù lơh tòm hìu jum, mơ kup kơryan bol khai bơh ƀòn dờng do tus ƀòn dờng ne.

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Jeremi 37:20

Tŭ do, ơ bơtau, ơ cau tòm añ, dan iat tĕ, kơp kòñ jơnau rac dan añ jê geh bơtau dòp! Dan bañ jào añ tòm hìu cau gơnoar cih Jônathan, rngòt añ rơp chơt tềng hơ̆.”

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 37:4

Tŭ hơ̆ Jeremi gam lòt rê digùl làng bol, òhềt ơm jàm.

Jeremi 32:2

Tŭ hơ̆ mpồl ling bơtau Babilôn dê gơrwàng gùt dar ƀòn dờng Jerusalem; ai cau gơnoar hwơr Jeremi gen neh kong jàm di tiah rơng hìu ling kơp gàr tòm gơlang bơtau Juda.

Jeremi 39:15

Tòm tŭ Jeremi gam ơm jàm tòm ƀlàng hìu ling kơp gàr, gơs jơnau Yàng Jehôwa đơs mơ khai be do: