Jeremi 32:17 - Sră Goh 2018

¹⁷ ‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 32:17 Referans Kwoze

Luka 1:37

Bơh ò gơs bơta lơi la Yàng Tom Trồ ò rgơi lơh.”

Jeremi 32:27

“Do, Añ la Jehôwa, Yàng Tom Trồ ală jơi poac să dê; gơs bơta lơi kalke Añ in sơl ơ?

Sơnròp Gơlik Gơs 18:14

Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sră Jop 42:2

“Añ git lah Yàng rgơi lơh jơh ală bơta, Ò gơs cau lơi rgơi kơryan broă lơh Yàng dê.

Mathiơ 19:26

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Luka 18:27

Kơnràñ đơs lah: “Bơta lơi kòn mơnus ò rgơi lơh, gen Yàng Tom Trồ rgơi lơh lơm.”

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

Esai 45:12

Hơ̆ la să tòm Añ neh lơh gơlik gơs plai ù, mơ crơng gơs jơi kòn mơnus ơm hơđang gơ. Tê Añ neh lì ală tap trồ; Añ neh rơndap ală mpồl sơmañ gơ dê.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Đơs Crih 102:25

Bơh rài yau Yàng neh bơtào kơ̆ mơnàng plai ù, Ală tap trồ la broă tê Kơnràñ lơh.

Jeremi 51:15

Să tòm Kơnràñ la Bơtau neh ai gơnap gơnoar Kơnràñ dê crơng gơs plai ù, Ai bơta jak chài Kơnràñ lơh gơs lơgar dunnia, Ai bơta àng loh Kơnràñ lì ơnàng ală tap trồ.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Jeremi 1:6

Añ đơs lah: “Khoai Yàng Jehôwa! Do, añ ò git đơs ñchi lơi, bơh añ la kơnòm dềt.”

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Broă 15:18

Hơ̆ la ală broă neh git bơh tŭ jŏ jòng bơh rài yau.’

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do:

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Ejekiel 9:8

Tòm tŭ bol khai sreh tơnchơt cau mơ lòi añ ơm is dô nă, añ blup mat tòm ù mơ hòi dan lah: “Ơ hơh, Ơ Jehôwa Yàng Tom Trồ, Kơnràñ tơnroh jơh làng bol gam wơl Israel dê tòm tŭ Kơnràñ gơhào gơjrañ dờng gơwèt hơ Jerusalem ơ?”

Jeremi 4:10

Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Jơnau Niam Jat Mak 10:27

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ ò di behơ̆, bơh Yàng Tom Trồ rgơi lơh jơh ală bơta.”

II Ală Bơtau 3:18

Mơya mìng la dô bơta dềt rhền di đap mat Yàng Jehôwa; bơh Kơnràñ kung rơp jào cau Môap tòm tê bol mê tai sơl.

Đơs Crih 136:12

Kơnràñ ngui tê pràn mơ tơwòr tê pò tơlik, Bơh bơta kòñ gơboh kơ̆ dơn Kơnràñ dê gam sùm sùm.

Esai 59:1

Ne, tê Yàng Jehôwa dê ò liah ir nàng ò dong tă, hala tồr Kơnràñ dê kung ò tĭ nàng ò kơno.

Jeremi 21:2

“Dan hòi lùp Yàng Jehôwa bol he in, bơh Nebukatnessar, bơtau Babilôn, neh tus tòmlơh mơ bol he; digơlan Yàng Jehôwa rơp lơh ală broă crih crài bol he in be Kơnràñ òs lơh, mơ rơp lơh khai in lik ngài bơh bol he.”

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Sacari 8:6

Yàng Jehôwa Gơnap Gơnoar Dờng Làm Jơh đơs be do: “Tian gơs bơta hơ̆ sền gơlơh kung be broă ò rgơi lơh gơs di đap ală làng bol gam wơl tòm ală ngai do, mơ bơta hơ̆ kung gơlơh be ò rgơi gơlik gơs gơwèt mơ Añ sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 11:23

Yàng Jehôwa ho wơl Môise in lah: “Tơwòr tê Yàng Jehôwa dê la liah ngan sơl ơ? Mê rơp sền gŏ jơnau Añ đơs rơp gơlik gơs di ngan mê in hala ò.”