Jeremi 31:34 - Sră Goh 2018

³⁴ Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 31:34 Referans Kwoze

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Hebrơ 8:12

Bơh Añ rơp ai nùs kòñ nđàc nàng toh ală bơta tồi glài iơh bơsak bol khai dê, Ò kah ală tồi glài bol khai dê tai.”

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Jeremi 33:8

Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

I Jang 2:20

Mơya ală bol mê neh geh bong mơñà bơh Bơtau Sàng Goh, gen jơh ală bol mê neh git rau.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Hebrơ 5:12

Pal ngan, tŭ do oh mi neh gơlik gơs cau bơto rau, mơya tŭ do oh mi gam kơnòm di cau bơto sồr oh mi ală bơta ƀă liă bơh jơnau Yàng Tom Trồ dê, mơ oh mi gam la cau pal càng dà toh, ò di la phan sa kơldang.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

II Kôrintô 2:10

Mơya oh mi toh glài cau lơi in, gen añ kung toh glài sơl. Bơh dilah añ neh toh glài, hơ̆ la tài bơh oh mi mơ toh glài di đap Bơtau Krist,

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Esai 33:24

Ò gơs cau lơi ơm tòm Siôn rơp đơs lah: “Añ kòp jê,” cau ơm tềng hơ̆ rơp geh toh bơta tồi glài bol khai dê.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Luka 1:77

Nàng ai làng bol Kơnàñ in git bơta dong klàs bơh bơta geh toh glài bol khai dê.

Hebrơ 8:11

Bol khai ò càng bơto cau gơp ƀòn he dê. Mơ bơto kòp nă oh mi he lah: ‘Dòp git tĕ Yàng,’ jơh tơl nă bol khai rơp git Añ, Bơh cau dềt jơl tus di cau dờng, rơp dòp git Añ.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Sră Ôse 2:20

Añ rơp bau mơ ai tòm bơta dòn song, mơ ai rơp đal git Yàng Jehôwa.”

Đơs Crih 25:7

Dan bañ kah ală tồi glài añ tìs tòm tŭ kơnòm să, hala ală bơta tìs añ jê: Ơ Yàng Jehôwa, dan kah añ jat be bơta kòñ gơboh kơ̆ dơn mơ nùs niam Kơnràñ dê.

Esai 29:24

Ală cau gơs hwềng nùs wil wơl rơp dòp geh bơta git wă; ală cau òs ƀoah pơrhiat rơp dòp jơnau bơto sồr.”

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Esai 52:6

Gen tàng làng bol Añ jê rơp git sơnđan Añ; gen tàng tòm ngai hơ̆ bol khai rơp git Bơtau neh đơs: ‘Hơ̆ la Añ’.”

Jeremi 9:23

Yàng Jehôwa đơs be do: “Cau jak bañ jòng să bơh bơta jak chài bol khai dê; Cau pràn bañ jòng să bơh bơta pràn bol khai dê; Cau pas bañ jòng să bơh bơta pas bol khai dê.

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.