Jeremi 30:11 - Sră Goh 2018

¹¹ Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 30:11 Referans Kwoze

Jeremi 10:24

Khoai Yàng Jehôwa, dan Yàng lơh glài tơmàl añ jat kơr sơnoa; Ò di tòm bơta gơjrañ Kơnràñ dê, hala cèng añ tus hơ bơta roh rui.

Jeremi 1:19

Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jeremi 4:27

Bơh Yàng Jehôwa đơs be do: “Jơh lơgar rơp kòl sang srau gòi, Mơya Añ ò tơnroh jơh.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Broă 18:10

bơh Añ ơm bal mơ mê, ò gơs cau lơi sò tơm nàng lơh iơh di mê ò, bơh Añ gơs oă cau tòm ƀòn dờng do.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Jeremi 15:20

Añ rơp lơh mê in gơwèt mơ làng bol do gơlik gơs dô nơm dơrñang kòng kơ̆ cê, Bol khai rơp tòmlơh tòmdră mơ mê, Mơya bol khai rơp ò geh pha rlau mơ mê, Bơh Añ ơm bal mơ mê Nàng dong klàs mơ dong tă mê.” Yàng Jehôwa đơs behơ̆.

Jeremi 5:18

Yàng Jehôwa đơs: “Bulah behơ̆, tòm ală ngai hơ̆, Añ rơp ò tơnroh jơh bol mê.

Jeremi 5:10

“Guh tĕ hơđang ală àr tòm ño khai dê mơ tơnroh; Mơya bañ lơh tơnroh jơh. Koh sang tĕ ală ntê gơ dê, Bơh bol khai ò gơrê bal mơ Yàng Jehôwa.

Đơs Crih 6:1

Ơ Yàng Jehôwa, dan bañ gơjrañ mơ lah pơrhơng añ, Bañ lơh glài tơmàl añ tòm tŭ Kơnràñ gơhào gơjrañ dờng.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Lebi 26:44

Bulah neh gơs ală bơta hơ̆, tòm tŭ bol khai ơm tòm lơgar ală cau sò tơm di bol khai, Añ rơp ò sang lòi bol khai hala cù kìr di bol khai nàng tơnroh jơh hir bol khai mơ sang lòi jơnau Añ neh ho bal mơ bol khai. Añ la Jehôwa Yàng Tom Trồ bol khai dê.

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Sră Ôse 11:9

Añ rơp ò lơh gơlik bơta gơjrañ duh hơng Añ jê, mơ kung rơp ò tơnroh Epraim tai. Bơh Añ la Yàng Tom Trồ, ò di la kòn mơnus; Añ la Bơtau Sàng Goh ơm digùl bol mê, Añ ò lòt tus mơ bơta gơjrañ dờng Añ jê.

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

II Samuel 24:12

“Lòt tĕ mơ đơs mơ Dabit lah: ‘Yàng Jehôwa đơs be do: “Añ ai mê in pe bơta nàng sac rwah. Sac tĕ dô bơta mơ Añ rơp ngui nàng lơh glài mê.”’”