Jeremi 26:9 - Sră Goh 2018

⁹ Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Jeremi 26:9 Referans Kwoze

Broă 22:22

Bol khai iat Pol tus di jơnau hơ̆, gen hòi driau lah: “Tơnroh tĕ cau be do bơh di plai ù! Khai ò di pal kis tai!”

Broă 21:30

Jơh làm ƀòn dờng gơlik gơs sơlồng sơlàng, làng bol ntoat ràn tus, kup Pol hwài tơlik bơh hìu duh khoai, gen ală mpồng hìu duh khoai til jơh mo.

Broă 13:50

Mơya ală cau Juda chồl bơchồt ală cau ùr duh rngòt pas ryŭ mơ ală cau at bồ tòm ƀòn dờng chồl bol khai kup kơryan Pol mơ Banaba, mơ bơtrơh tơlik bơh di kơnhwàl bol khai dê.

Broă 6:14

bơh bol hi neh kơno khai đơs lah Jesu Cau Nasaret ne rơp tơnroh tiah do mơ tòmgơl ală bơta òs mòng mơ Môise neh lòi wơl bol he in.”

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Jang 8:59

Gen bol khai dòñ lŭ nàng cơm di Kơnràñ, mơya Yàng Jesu dô pleh mơ lik bơh hìu duh khoai.

Jang 8:20

Yàng Jesu đơs ală jơnau hơ̆ tòm tŭ ơm bơto sồr tòm hìu duh khoai, tiah gơs thùng ơn jền, mơya ò gơs cau lơi kup Kơnràñ bơh jơ Kơnràñ òhềt tus.

Jơnau Niam Jat Mak 15:11

Mơya ală cau gơnoar lam bồ ơn phan duh khoai chồl mpồl làng bol dan mơ Pilat hồ Baraba bol khai in wơl.

Mathiơ 27:20

Mơya ală cau gơnoar dờng lam bồ ơn phan duh khoai mơ ală cau kwang kra bơchồt mpồl làng bol dan tĕ hồ Baraba mơ tơnchơt Yàng Jesu.

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Mice 2:6

Bol khai bơto lah: “Bañ đơs hwơr. Bañ đơs hwơr bơh ală bơta do; bơta dơñŏ tơnhial rơp ò tus hơđang bol he ò.”

Amôs 5:10

Bol mê gơjrañ kơuềng dê cau lah pơrhơng di mpồng ƀòn, mơ sền òsơp di cau đơs jơnau song.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Esai 29:21

Hơ̆ la ală cau lơh dô nă cau roh jơh bơta yă wơn; la cau pơt dă cau cahrña di mpồng ƀòn; ai jơnau lơh cơng blac tơnroh bơta song ring cau ò gơs glài dê.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Broă 3:11

Tòm tŭ cau hơ̆ ơm at di Pier mơ Jang, behơ̆ jơh làng bol ai lơh krơi ngan, ntoat ràn tus di bol khai hơ mpồng rơng sơnđan la Salômôn.

Broă 5:12

Oă bơta krơi tềl is geh lơh gơs digùl làng bol bơh tê ală cau gơnoar bơto dờng. Jơh ală cau dòn dô nùs bal pơjum di mpồng rơng Salômôn.

Jôsue 18:1

Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

Jeremi 32:3

Bơh Jedekia, bơtau Juda neh jàm khai, đơs lah: “Ñchi bơh tài mê đơs hwơr lah: Yàng Jehôwa đơs be do: ‘Do, Añ rơp phi ƀòn dờng do tòm tê bơtau Babilôn, khai rơp tòmpìt ai;

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.