Jeremi 26:6 - Sră Goh 2018

⁶ gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 26:6 Referans Kwoze

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

II Ală Bơtau 22:19

Tài bơh nùs mê neh git gơjrañ sang glài, mơ pơndêt să mê di đap Yàng Jehôwa; tòm tŭ mê neh kơno jơnau Añ đơs tòmdră mơ tiah do, mơ tòmdră mơ làng bol ơm tòm hơ̆, bol khai rơp gơlik dô bă tiah sang lòi srau gòi mơ srat rma, tài bơh mê neh crè ồi ào mê mơ ñìm rac di đap Añ, mơ Añ neh iat jơnau mê, Yàng Jehôwa đơs behơ̆.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Malaci 4:6

Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 29:22

Kòp nă cau Juda kong kup cèng ngài tòm Babilôn rơp ai bàr nă cau hơ̆ lơh gơs dô sèng srat rma, mơ lah: ‘Dan Yàng Jehôwa lơh mê in kung be Jedekia mơ Ahap, mơ bơtau Babilôn neh buh tòm ồs!’

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Jôsue 18:1

Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Ñìm Rac 2:15

Ală cau lòt gan gùng tàp tê di ai; bol khai hwac mơ rtơs bồ di kòn ùr Jerusalem, lah: “Ngan do la ƀòn dờng cau sơnđan lah bơta hàng mơnĕ wil tơl, bơta hòn chò jơh plai ù dê sơl ơ?”

Ñìm Rac 2:16

Jơh ală cau sò tơm ai dê ha bơr dờng tòmdră mơ ai, bol khai hwac, rkiat sề driau dờng lah: “Bol he neh sa loan khai! A, do la ngai bol he neh kơp gơn, lồi dut bol he neh sền gŏ gơ!”