Jeremi 25:29 - Sră Goh 2018

²⁹ Sền tĕ, Añ rơp sơntòm tuh bơta rung rài hơđang ƀòn geh sơnđan bơh sơnđan Añ; tơ ài lah bol mê, ngan rơp geh klàs bơh bơta lơh glài ơ? Ò! Bol mê rơp ò klàs bơh bơta lơh glài ò; bơh Añ rơp sồr pềs tà tus hơđang kòp làng bol ơm hơđang plai ù,’” Yàng Jehôwa Mpồl Ling đơs behơ̆.

Jeremi 25:29 Referans Kwoze

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

Ejekiel 38:21

Jehôwa Yàng Tom Trồ đơs lah: ‘Añ rơp hòi đào tus tòmdră mơ Gok hơđang jơh ală mơnơm Añ jê. Kòp nă rơp tơrwơl đào tòmdră mơ oh mi he.

Jơnau Pơnđik 11:31

Dilah cau song ring geh tơm wơl hơđang ù; Ngan kung behơ̆ cau iơh bơsak mơ cau glài kong sal tê!

I Ală Bơtau 8:43

gen dan Yàng hơđang trồ la tiah Yàng ơm, iat tĕ mơ lơh jat ală bơta cau nac crih rơp hòi dan mơ Yàng; nàng jơh ală làng bol tòm dunnia, đal git sơnđan Yàng, duh rngòt Yàng, tòm toh be làng bol Israel Kơnràñ dê, mơ nàng bol khai rgơi git hơ̆ la sơnđan Yàng geh hòi dan tòm hìu duh khoai do mơ añ neh bơt bơtào.

Apdia 1:16

Bơh bol mê neh ñô mơngàn bơta lơh glài hơđang mơnơm sàng goh Añ jê. Mơ jơh ală làng bol gùt dar bol mê kung rơp ñô ò dơh; bol khai rơp ñô mơ loan rau, gen bol khai rơp kong tơnroh be òhềt gơs bol khai.

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Jeremi 49:12

Yàng Jehôwa đơs be do: “Ală cau ò di hùc mơngàn do, ngan rơp hùc gơ; mơ mê rgơi klàs bơh bơta lơh glài ơ? Mê rơp ò klàs bơh bơta lơh glài, mê ngan rơp hùc mơngàn hơ̆.”

Luka 23:31

Bơh dilah cau neh lơh bơta hơ̆ di chi ris, gen di chi ro mbe gơlơh taih?”

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 13:13

Gen mê đơs tĕ mơ bol khai lah: ‘Yàng Jehôwa đơs be do: Ne, Añ rơp lơh jơh ală làng bol tòm lơgar do, ală cau bơtau nggui hơđang sơbàn Dabit, ală cau gơnoar ơn phan duh khoai, ală cau gơnoar hwơr, mơ jơh làng bol Jerusalem bơñul ñô.’

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Jơnau Pơnđik 17:5

Cau lơi dơñŏ tơnhial cau dồn sa rƀah dơñŏ tơnhial Bơtau crơng gơs bol khai; Cau lơi hòn chò bơh bơta rung rài cau ndai dê rơp ò geh klàs bơh bơta lơh glài.

Jơnau Pơnđik 11:21

Di ngan cau iơh bơsak ò tŭ lơi klàs bơta lơh glài; Mơya jơi bơtiàn cau song ring rơp geh dong klàs.

Jeremi 19:3

Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;