Jeremi 24:5 - Sră Goh 2018

⁵ “Jehôwa Yàng Tom Trồ Israel dê đơs be do: ‘Kung be ală plai chi ƀal niam do, Añ kung rơp sền ală cau kup cèng gơs dĭ Juda dê, mơ Añ neh bơtrơh bơh tềng do tus tòm lơgar cau Kalde, lòi bol khai in gơs kwơ.

Jeremi 24:5 Referans Kwoze

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Mathiơ 25:12

Mơya cau tòmho lah: ‘Di ngan añ đơs mơ bol ai, añ ò git bol ai ò.’

Đơs Crih 119:71

Hơ̆ la niam añ in bơh añ neh pìn pơndêt să, tồ añ in rgơi bơtê jơnau sồr Yàng dê.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Yal Wơl 8:16

Kơnràñ neh ai bol mê in mana nàng sa tòm ƀlàng ngềt ngơt, hơ̆ la phan sa mơ ală ồng pàng bol mê dê òhềt git, nàng tơnliah bol mê, mơ lòng bol mê tồ tus di lồi dut gơ rgơi gơlik gơs niam bol mê in.

Jeremi 24:4

Gen jơnau Yàng Jehôwa đơs mơ añ lah:

Jeremi 29:4

“Yàng Jehôwa Gơnap Gơnoar, Yàng Tom Trồ Israel dê, đơs mơ ală cau mơ Kơnràñ neh lòi gơkòl kup cèng gơs dĭ bơh Jerusalem tus hơ Babilôn be do:

Jeremi 29:20

Gen tàng, ơ bol mê la ală cau kong kup cèng ngài bơh lơgar mơ Añ neh cèng bơh Jerusalem tus Babilôn, iat tĕ jơnau Yàng Jehôwa:

Ejekiel 11:17

Behơ̆ gen, đơs tĕ lah: ‘Yàng Jehôwa đơs be do: Añ rơp pơjum bol mê wơl bơh digùl ală làng bol, Añ rơp cèng bol mê rê wơl bơh di ală lơgar mơ bol mê neh kong nrah nring, mơ Añ rơp ai wơl bol mê in lơgar Israel.

Lebi 26:44

Bulah neh gơs ală bơta hơ̆, tòm tŭ bol khai ơm tòm lơgar ală cau sò tơm di bol khai, Añ rơp ò sang lòi bol khai hala cù kìr di bol khai nàng tơnroh jơh hir bol khai mơ sang lòi jơnau Añ neh ho bal mơ bol khai. Añ la Jehôwa Yàng Tom Trồ bol khai dê.

Jeremi 29:11

Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.