Biblia Todo Logo
Bib sou entènèt

- Piblisite -




Jeremi 22:18 - Sră Goh 2018

18 Gen tàng, bơh Jehôyakim, kòn klau Jôsia, bơtau Juda dê, Yàng Jehôwa đơs be do: “Cau rơp ò ñìm khai in lah: ‘Ơ oh mi añ!’ hala ‘Ơ ruh añ!’ Kung rơp ò pơt wòl khai lah: ‘Ơ hơh! Ơ yàng añ’ hala ‘Ơ hơh! Bơta gơklŏ kơnràñ dê!’

Gade chapit la Kopi




Jeremi 22:18
17 Referans Kwoze  

“Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.


Khai tơp ƀồc hơ̆ tòm bơtô ƀồc khai, gen ñìm khai in mơ lah: “Nđàc sơngit ngan! Ơ bi!”


Bañ ñìm cau chơt in, bañ pơt wòl bơh khai. Chan ñìm cau lòt ngài in, bơh khai rơp ò rê wơl, ò gam gŏ wơl lơgar tòm khai.


“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”


Mê rơp chơt tòm lơngap lơngai. Cau rơp chu sơnơm ƀô bơlhu mê in be neh chu ồng pàng mê in, hơ̆ la ală bơtau lài mơ mê, mơ rơp ñìm ƀồc mê in. Să tòm Añ neh đơs jơnau do, Yàng Jehôwa đơs behơ̆.’”


Jeremi cih ală jơnau ñìm rac Jôsia in, mơ jơl tus di ngai do, jơh ală cau klau mơ cau ùr jak đơs chò gam đơs ală jơnau ñìm rac hơ̆ nàng kah wơl Jôsia. Ală bơta hơ̆ neh gơlik gơs dô bơta òs yau tòm Israel mơ neh geh cih tòm ală jơnau Ñìm rac.


Ơ Jônathan bi añ, añ jê nùs ngan tài bơh bi. Bi neh kòñ gơboh đềt mềr mơ añ. Bơta kòñ gơboh bi dê gơwèt mơ añ la krơi is crih crài, krơi is crih crài rlau mơ bơta kòñ gơboh di cau ùr.


Khai tă rùp ràk Asera lik bơh hìu duh khoai Yàng Jehôwa dê, cèng tơlik gơ hơ bơdìh Jerusalem, tus di Thòng Kidrôn, chu pơrguc gơ tềng hơ̆ tơnlề gơ gơlik bùh, gen rsìh bùh hơ̆ hơđang bơtô ƀồc làng bol dê.


Jehôyakim neh bàr jơt pram sơnam tòm tŭ sơntòm at bồ; mơ khai at bồ jơt dùl sơnam tòm Jerusalem. Mè khai sơnđan la Jebidah, kòn ùr Phedaya ơm tòm Rumah.


Behơ̆ Jehôyakim bic lơhă bal mơ ală ồng pàng khai dê, mơ Jehôyakin kòn klau khai pơrdòn gơnoar ala khai in.


Jehôyakim neh bàr jơt pram nam tòm tŭ khai sơntòm at bồ; mơ khai at bồ jơt dùl nam tòm Jerusalem. Khai lơh bơta iơh bơsak di đap mat Jehôwa Yàng Tom Trồ khai dê.


mơya khai rơp chơt tòm lơgar khai kong kup cèng, mơ khai ò gam gŏ wơl lơgar do tai.’


Ală kòn klau Jôsia la: Jôhanan kòn tơnhoa, Jehôyakim kòn dơ̆ bàr, Jedekia kòn dơ̆ pe, Salum kòn dơ̆ poan.


Bơh hìu bơtau Juda, mê đơs tĕ: ‘Iat tĕ jơnau Yàng Jehôwa dê,


Tài bơh hơ̆, do la jơnau Yàng Jehôwa đơs bơh Jehôyakim bơtau Juda: ‘Ò gơs cau lơi gơrê bal mơ khai rơp nggui hơđang sơbàn Dabit; ƀồc khai rơp kong duh mattơngai tòm trồ ngai, mơ kong mrềt dà tŭ tòm trồ mang.


Swiv nou:

Piblisite


Piblisite