Jeremi 22:11 - Sră Goh 2018

¹¹ Bơh Yàng Jehôwa đơs be do bơh Salum, kòn klau Jôsia, bơtau Juda dê, la cau pơrdòn sơbàn bèp khai la Jôsia, mơ neh lòt ngài bơh tiah do: ‘Khai rơp ò rê wơl tềng do tai;

Jeremi 22:11 Referans Kwoze

I Yal Yau 3:15

Ală kòn klau Jôsia la: Jôhanan kòn tơnhoa, Jehôyakim kòn dơ̆ bàr, Jedekia kòn dơ̆ pe, Salum kòn dơ̆ poan.

II Ală Bơtau 23:34

Gen, Pharaôn Nekô bơtào Eliakim kòn klau Jôsia, lơh gơs bơtau ala Jôsia, bèp khai dê, mơ tòmgơl sơnđan khai la Jehôyakim. Ai Jôaca kong kup jàm tòm Ejiptơ, mơ khai chơt tềng hơ̆.

II Yal Yau 34:22

Hilkia mơ ală cau mơ bơtau neh sồr lòt bal mơ khai lik lòt nàng đơs mơ cau gơnoar hwơr ùr Hulda la bau ùr Salum kòn klau Tôkhat, sau Hasrah, la cau kơp gàr ơdŭ prap ală ào jrùh. Cau gơnoar hwơr ùr do ơm tòm Jerusalem, tòm kơnhwàl dơ̆ bàr.

II Yal Yau 28:12

Rlau mơ hơ̆, ală cau lam bồ cau Epraim dê, la Ajaria kòn klau Jehôhanan, Berekia kòn klau Mesillemôt, Jehiskia kòn klau Sallum, mơ Amasa kòn klau Hatlai ntào tòmdră mơ ală cau pa rê bơh bơta tòmlơh.

II Ală Bơtau 23:31

Jôaca neh bàr jơt pe sơnam tòm tŭ khai sơntòm at bồ; khai at bồ pe kơnhai tòm Jerusalem. Mè khai sơnđan la Hamutal, kòn ùr Jeremi dê ơm tòm Lipna.

II Ală Bơtau 23:30

Ală cau dĭ gơna khai dê pơdiang ƀồc khai hơđang rơndeh bơh Megidô cèng khai rê hơ Jerusalem, mơ tơp khai tòm bơtô ƀồc khai dê. Làng bol tòm lơgar bơtào Jôaca kòn klau Jôsia, bong mơñà khai in, mơ bơtào khai gơs bơtau ala bèp khai.

Sôphôni 1:1

Do la jơnau Yàng Jehôwa đơs mơ Sôphôni, kòn klau Kusi, sau Gedalia, se Amaria, set Ejekia dê, tòm rài at bồ Jôsia, kòn klau Ammôn bơtau Juda dê:

II Ală Bơtau 23:29

Tòm ală ngai hơ̆, Pharaôn Nekô bơtau Ejiptơ, neh guh brồ lơh bơtau Asiri tus hơ hiòng Ơphrat. Gen Jôsia lòt tìp khai. Mơya tòm tŭ Pharaôn Nekô tìp mơ khai tòm Megidô gen tơnchơt khai.

Jeremi 22:27

Mơya bol khai rơp ò geh rê wơl hơ lơgar mơ bol khai kơp kòñ rê wơl.”