Jeremi 2:26 - Sră Goh 201826 Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆. Gade chapit la |
Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.
Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.