Jeremi 2:20 - Sră Goh 2018

²⁰ “Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 2:20 Referans Kwoze

Yal Wơl 12:2

Tơnroh jơh hir ală tiah hơđang ală mơnơm jòng, hơđang ală mơnơm dềt mơ hơđơm ală tòm chi gơs mƀur dờng la tiah ală làng bol duh khoai ală yàng bol khai dê mơ bol mê rơp tơnroh.

Lebi 26:13

Añ la Jehôwa Yàng Tom Trồ bol mê dê, la Bơtau neh tă cèng bol mê bơh di Ejiptơ tồ bol mê ò gam ơm dĭ cau Ejiptơ in; Añ neh dơrpă yô bol mê dê mơ neh lơh bol mê in pò bồ jòng hơđang mơ lik lòt.

Jeremi 17:2

Tòm tŭ ală kòn bol khai dê kah wơl cơnòng duh khoai Mơ rùp ràk Asera bol khai neh bơt bơtào di gah ală rlau chi tơlir Mơ hơđang dòr jơnhoa.

Sră Ôse 3:3

Lồc behơ̆ añ đơs mơ khai lah: “Ai ơm tĕ mơ añ tòm jŏ ngai; bañ lơh dri tơlàr hala rềs àr mơ dô nă cau klau ndai, gen añ kung rơp ơm behơ̆ sơl gơwèt mơ ai.”

Jeremi 30:8

Yàng Jehôwa Gơnap Gơnoar đơs lah: ‘Tòm ngai hơ̆, Añ rơp dơrpă yô bơh di ngko mê; Rơp gơltac che cap mê, Cau crih mat rơp ò kup bol khai duh broă tai;

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Nahum 1:13

Tŭ do Añ rơp dơrpă yô bol khai dê bơh di ngko mê, mơ gơltac che sreng neh kơt mê.”

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Ejekiel 23:5

Ôhôlah lơh dri tòm tŭ khai neh gơrê bal mơ añ, khai hàm kòñ ală cau khai gơboh la cau Asiri, la ală cau ling,

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 16:41

Bol khai rơp ai ồs chu ală hìu ai dê mơ lơh glài ai di đap oă cau ùr. Añ rơp pơndut bơta rềs àr dri tơlàr ai dê, mơ ai rơp ò tai ai jền tơngai ală cau ai kòñ gơboh in.

Ejekiel 16:31

Tòm tŭ ai bơt ală tiah jơnhoa hơđang ai dê di bồ kòp nơm gùng, mơ bơtào ală hìu bơmồng jơnhoa tòm kòp nơm gùng, ai lơh ò di kung be cau ùr dri, bơh ai sền òsơp di jền cau tơm ai in.

Ejekiel 16:28

Ai kung neh lơh bơta dri tơlàr mơ ală cau Asiri, tài bơh ai oă hàm kòñ bơta hơ̆, mơ bulah tơnơ̆ mơ hơ̆, ai kung ò làp dil.

Esai 14:25

Añ rơp dơrpă cau Asiri tòm lơgar Añ; Añ rơp jă lề khai hơđang ală mơnơm hơđơm jơng Añ jê. Yô khai dê rơp geh hồ tă bơh di làng bol Añ jê, mơ ơnòng kơnjơ̆ khai dê geh tă bơh di pơnì bol khai dê.”

Esai 10:27

Tòm ngai hơ̆, ơnòng kơnjơ̆ khai dê rơp geh tă tơlik bơh di pơnì bol mê dê, mơ yô khai rơp kòl tơnroh bơh dê ngko bol mê dê. Bol khai neh guh bơh Rimmôn.

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

I Ală Bơtau 12:32

Khai kung bơtào dô bơta pơjum sa tòm ngai jơt pram kơnhai phàm, be ngai wèr cau òs pơjum tòm lơgar Juda, mơ khai ơn ală phan ơn pơdơng hơđang cơnòng duh khoai. Khai kung lơh behơ̆ tòm Betel, ơn phan ơn duh khoai bàr nơm kơnrồ kòn mơ khai neh lơh gơs; khai kung lòi tòm Betel ală cau ơn phan duh khoai ală tiah jơnhoa mơ khai neh bơt.

I Samuel 12:10

Gen bol khai rac dan mơ Yàng Jehôwa mơ đơs lah: ‘Bol hi neh tìs glài, bol hi neh sang lòi Yàng Jehôwa, mơ neh duh broă Baal mơ Astarte. Mơya tŭ do dan dong tă bol hi bơh di tê ală cau sò tơm di bol hi, gen bol hi rơp duh broă Kơnràñ.’

Jôsue 24:26

Mơ Jôsue cih ală jơnau hơ̆ tòm Sră Bơta Boh Lam Yàng Tom Trồ dê. Gen khai ai dô pơnai lŭ dờng mơ bơtào gơ hơđơm tòm cha rềp di tiah sàng goh Yàng Jehôwa dê.

Jôsue 24:24

Làng bol đơs mơ Jôsue lah: “Bol hi rơp duh broă Jehôwa Yàng Tom Trồ bol hi dê mơ bol hi rơp dòn bơr Kơnràñ.”

Jôsue 1:16

Bol khai ho Jôsue lah: “Bol hi rơp lơh jơh ală bơta lơi ồng sồr bol hi lơh, mơ lòt tiah lơi ồng sồr bol hi lòt.

Yal Wơl 26:17

Ngai do bol mê neh yal tơlik lah Jehôwa Yàng Tom Trồ bol mê dê mơ bol mê rơp lòt jat tòm ală gùng dà Kơnràñ dê, mơ bol mê rơp prap gàr lơh jat ală bơta lơh nền mơ ală bơta boh lam Kơnràñ dê, mơ bol mê rơp dòn bơr Kơnràñ.

Yal Wơl 15:15

Kah tĕ lah bol mê la cau ơm dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê. Tài bơh hơ̆ tàng añ ai bol mê in jơnau gơnoar sồr do tòm ngai do.

Yal Wơl 5:27

Să tòm ồng, tus tĕ rềp mơ ơm iat jơh ală jơnau mơ Jehôwa Yàng Tom Trồ bol hi dê đơs. Lồc behơ̆ yal wơl bol hi in ală jơnau lơi mơ Yàng Tom Trồ bol hi dê đơs mơ ồng. Bol hi rơp ơm iat mơ dòn bơr.’

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.

Lik Ejiptơ 24:3

Tòm tŭ Môise lòt tus yal làng bol in jơh ală jơnau đơs mơ ală bơta boh lam Yàng Jehôwa dê, gen bol khai ho dô jơnau bal lah: “Bol hi rơp lơh jat jơh ală jơnau Yàng Jehôwa neh đơs.”

Lik Ejiptơ 19:8

Jơh làng bol ho dô jơnau bal lah: “Bol hi rơp lơh jơh ală bơta Yàng Jehôwa neh đơs.” Behơ̆, Môise yal wơl jơnau ho làng bol dê mơ Yàng Jehôwa.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Yal Tơlik 17:1

Gen dô nă tòm poh nă cau gơnrơh neh at poh nơm mơngàn tus đơs mơ añ lah: “Tus hơ do, añ rơp sơnio mê in bơta lơh glài cau ùr dri tơlàr dờng, khai ơm nggui hơđang ală dà.

I Ală Bơtau 14:23

Bơh ală cau Juda kung bơt bơtào he in ală tiah jơnhoa, jrong duh khoai mơ rùp Asera hơđang ală tiah jơnhoa mơ hơđơm ală chi dờng.

Đơs Crih 107:14

Kơnràñ tă tơlik bol khai klàs bơh bơta jơngo mơ mƀur klam cik, Kung dơrkă gơltac che sreng neh kơt bol khai.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Sră Ôse 4:13

Bol khai ơn phan duh khoai hơđang bồ mơnơm; chu kơlhô hơđang ală dòr, hơđơm tòm cha, hơđơm chi pơnggŏ, chi nho rề, tài bơh mƀur gơ la niam ngan. Behơ̆ tàng kòn ùr bol mê dê lơh gơs ùr dri, mơ ƀan bol mê tìs glài rềs àr bơrnàn.

Ală Kwang Cahrña 2:11

Behơ̆ làng bol Israel lơh bơta iơh bơsak di đap Yàng Jehôwa mơ duh broă ală yàng Baal.

Ală Kwang Cahrña 2:13

Bol khai neh sang lòi Yàng Jehôwa mơ duh broă ală yàng Baal mơ Astarte.

Ală Kwang Cahrña 10:6

Gen làng bol Israel lơh bơta iơh bơsak tai di đap Yàng Jehôwa. Bol khai duh broă ală yàng Baal mơ yàng Astarôt, ală yàng lơgar Aram, ală yàng lơgar Sidôn, ală yàng lơgar Môap, ală yàng lơgar Ammôn, mơ ală yàng lơgar Philistin dê. Mơ tài bơh làng bol Israel sang lòi Yàng Jehôwa mơ ò duh khoai Kơnràñ.

Đơs Crih 2:3

“Bol he gơltac tĕ che cap bol khai dê, Mơ sang sơrbì ală che kơt bol khai dê bơh di he.”

Sră Ôse 1:2

Tŭ Yàng Jehôwa sơntòm đơs mơ Ôse gen Kơnràñ sồr khai lah: “Lòt tĕ bau mơ dô nă cau ùr dri tơlàr, mơ deh kòn rềs àr bơrnàn, tài bơh ƀòn lơgar do neh sang lòi Yàng Jehôwa mơ tìs glài rềs àr bơrnàn.”

Sră Ôse 9:1

Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.