Jeremi 18:15 - Sră Goh 2018

¹⁵ Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 18:15 Referans Kwoze

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Sră Ôse 11:2

Añ sơlo hòi bol khai, gen sơlo bol khai lòt ngài bơh Añ. Bol khai neh ơn phan duh khoai ală Baal in, mơ chu kơlhô ală rùp ràk in.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Esai 57:14

Mơ rơp gơs jơnau đơs lah: “Bơt tĕ, bơt tĕ, wàs tĕ gùng lòt! Tă sang tĕ ală phan kơryan gùng lòt làng bol Añ jê.”

Malaci 2:8

Mơya, bol mê neh pleh lik bơh di gùng, jơnau bơto sồr bol mê dê neh lơh oă cau in gơtup pừ; bol mê neh lơh gơltac sang bơta ho bal Lebi dê,” Yàng Jehôwa Gơnap Gơnoar Dờng Làm Jơh đơs behơ̆.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Mathiơ 15:6

Behơ̆ bol mê neh lơh gơnoar sồr Yàng Tom Trồ dê gơlik ò kwơ tài bơh jơnau òs yau bol mê dê.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 13:25

Yàng Jehôwa đơs: “Hơ̆ la pơnah ai dê, Pơnah Añ was ai in, Yàng Jehôwa đơs behơ̆. Bơh ai neh hŭi Añ, Mơ dòn kơnòm di yàng blac pơrlồm.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Rôma 14:21

Niam rlau hơ̆ la ò sa poac, ò ñô tơrnòm, mơ ò lơh bơta lơi gơs kai gơtup tìs oh mi he in.

Jeremi 44:25

Yàng Jehôwa Gơnap Gơnoar, Yàng Tom Trồ Israel dê, đơs be do: Bol mê mơ bau ùr bol mê neh lơh jơh ală broă mơ bol mê đơs tơlik bơh bơr bol mê lah: ‘Ngan bol hi rơp lơh wil tơl jơnau he neh ho pơgon, chu kơlhô, mơ ơn phan ơn ưnngài yàng ùr hơđang trồ in.’ Behơ̆ bol mê kah prap kơ̆ jơnau ho pơgon bol mê dê mơ lơh wil tơl.

Jeremi 19:5

Kung bơt bơtào ală tiah jơnhoa Baal in nàng chu ală kòn dềt bol khai dê lơh gơs phan chu pơdơng Baal in, la bơta Añ ò tŭ lơi ai gơnoar sồr, ò tŭ lơi yal, la bơta Añ ò tŭ lơi kơlôi sơnơng tòm nùs Añ.’

Esai 62:10

Lòt gan tĕ, lòt gan tĕ ală mpồng ƀòn! Rcang tĕ gùng lòt làng bol in. Bơt tĕ, bơt tĕ gùng me! Wàs goh tĕ ală pơnai lŭ. Bơtào tĕ dô nơm bồng bi ală làng bol in.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Esai 3:12

Ơ làng bol añ jê, ală cau kơnòm la cau rồn bơklơn bol khai; ală cau ùr at bồ bol khai. Ơ làng bol añ jê, cau at bồ bol mê lam bol mê lòt tìs nrah, mơ lơh sơlồng sơlàng gùng bơh lài bol mê dê.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Jeremi 18:14

Gơs cau lơi neh gŏ piar hơđang Liban hòr bơh bồ mơnơm? Hala dà mrềt niam Hòr bơh hơđang mơnơm soat sơl ơ?

Jeremi 51:18

Ală rùp ràk la ò kwơ, la dô nơm broă blac pơrlồm; Tus ngai cahrña, bol gơ rơp kong tơnroh jơh.

Ejekiel 21:15

Gen tàng ală nùs lề lac, mơ gơs oă cau rơp gơpừ. Añ neh ơn đào sreh tơnchơt di jơh ală mpồng mut tòm ƀòn bol khai dê. Ơ hơh! Đào neh tiar gơcrà be puhlèp, gơ neh cau at nàng sreh tơnchơt.

Ejekiel 36:15

Añ rơp ò tŭ lơi lòi mê kơno ală jơnau lah sơrpah ală lơgar dê tai; mê rơp ò gam kong bơta bơtat bơtròh ală làng bol dê tai, mơ ò tai lơh lơgar mê dê gơkòl tơnroh, Jehôwa Yàng Tom Trồ đơs behơ̆.”

Sră Ôse 2:6

Tài behơ̆ tàng Añ rơp ai tòm lò cang gùng khai dê; mơ Añ rơp bơt dô nơm dơrñang tòmdră mơ khai, gen tàng khai ò rgơi jòi ală gùng khai dê.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 11:12

Tŭ hơ̆ làng bol Juda mơ làng bol Jerusalem rơp lik lòt hòi lùp ală yàng mơ bol khai neh òs chu kơlhô; mơya ală yàng hơ̆ rơp ò tŭ lơi dong tă bol khai tòm tŭ tìp bơta rung rài.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”