Jeremi 16:14 - Sră Goh 2018

¹⁴ Yàng Jehôwa đơs: “Ne, ngai tus, la tŭ cau rơp ò đơs lah: ‘Ngan kung be Yàng Jehôwa gam kis sùm, la Bơtau neh cèng làng bol Israel lik bơh lơgar Ejiptơ.’

Jeremi 16:14 Referans Kwoze

Yal Wơl 15:15

Kah tĕ lah bol mê la cau ơm dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê. Tài bơh hơ̆ tàng añ ai bol mê in jơnau gơnoar sồr do tòm ngai do.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Mice 6:4

Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Yal Wơl 20:1

“Tòm tŭ bol mê lòt tòmlơh mơ ală cau sò tơm bol mê dê, mơ gŏ ală ơseh, ală rơndeh ơseh mơ dô mpồl ling dờng rlau mơ mpồl ling bol mê dê, bañ rngòt di bol khai, tài bơh Jehôwa Yàng Tom Trồ bol mê dê la Bơtau neh tă bol mê lik bơh di Ejiptơ rơp ơm bal mơ bol mê.

Đơs Crih 81:7

Tòm tŭ bòl glar, mê hòi dan gen Añ rơp dong tă mê, Añ neh ho wơl mê in bơh tiah ndơp ndơr ntơr kơnàs, Añ neh lòng mê tòm dà Meriba. (Selah)

Đơs Crih 81:11

Mơya làng bol Añ jê ò iat jơnau Añ; Israel ò bài gơs pơnah lơi bal mơ Añ.