Jeremi 12:1 - Sră Goh 2018

¹ Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 12:1 Referans Kwoze

Malaci 3:15

Mơya tŭ do bol he kòp cau pơnhừ să la geh lơngai; ală cau lơh broă iơh bơsak ò di mìng geh bơtoah bơtoài, mơya tòm tŭ bol khai lòng Yàng Tom Trồ, bol khai kung geh klàs sơl.’”

Đơs Crih 92:7

bulah cau iơh bơsak gơlik dờng mhar be ñhơt, Mơ jơh ală cau lơh iơh bơsak geh bơtào tơngguh, bol khai neh geh lơh nền pal kong tơnroh jơl sùm sùm.

Đơs Crih 37:1

Bañ gơs nùs sơềt sơềl tài bơh ală cau iơh bơsak, Kung bañ ƀoah gơjrañ di ală cau lơh iơh.

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.

Sră Jop 12:6

Ală sàl ală cau ntung kơñau ơm tòm tiah lơngap lơngai, mơ ală cau bơrcek Yàng Tom Trồ, bol khai ơm ring lơngai. Bol khai cèng yàng tòm tê bol khai dê.

Habakuk 1:4

Tài behơ̆, bơta boh lam roh gơnoar, bơta song ring ò tŭ lơi lơh jat. Cau iơh bơsak gơrwàng gùt dar cau song ring, gen tàng bơta cahrña rơp tus hơđang cau lơh bơta rkwet rkwe.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 37:35

Añ neh gŏ cau iơh bơsak gơs gơnoar pràn ngan, Mơ gơlik dờng be chi pơnàng Liban dê.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 12:6

Să tòm oh mi mê mơ hìu bèp mê Ơm tòmdră mơ mê, Bol khai kung driau dờng sòdră đah ngkòi mê tai sơl. Bulah bol khai đơs ală jơnau niam, Mê kung bañ dòn bol khai!

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Sră Jop 13:3

Mơya añ kòñ đơs mơ Bơtau Gơnap Gơnoar Làm Jơh, Mơ añ kòñ tòmbơyai bơh broă añ jê mơ Yàng Tom Trồ.

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Esai 48:8

Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Esai 41:21

Yàng Jehôwa đơs lah: “Ràng tơlik tĕ sră tòmyă bol mê dê,” Bơtau Jakôp dê đơs lah: “Cèng tĕ ală jơnau lơh cơng bol mê dê.”

Jơnau Pơnđik 1:32

Bơh bơta kơldang nùs tơnchơt ală cau ƀă liă, Mơ bơta ai lơh tơl cau bơrngơl gơla dê rơp tơnchơt bol khai.

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Đơs Crih 119:137

Ơ Yàng Jehôwa, Kơnràñ la song ring, Bơta cahrña Kơnràñ dê la song ngan.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Đơs Crih 116:5

Yàng Jehôwa gơs nùs kòñ nđàc, mơ la song ring, Yàng Tom Trồ bol he dê gơs nùs nđàc sơngit.

Cau Bơto 8:14

Gơs dô bơta roh lơm hơđang ù, hơ̆ la gơs ală cau song ring kong tơm jat be broă lơh cau iơh dê, mơ gơs ală cau iơh geh tơm wơl jat broă lơh cau song ring dê. Añ đơs lah hơ̆ kung la dô bơta roh lơm.

Jeremi 3:7

Mơ Añ neh kơlôi lah: ‘Tơnơ̆ mơ tŭ khai neh lơh jơh ală bơta hơ̆, gen khai rơp rê wơl mơ Añ.’ Mơya khai ò rê wơl. Oh ùr lac lèo khai dê la Juda neh gŏ bơta hơ̆.

Jeremi 3:20

Mơya, ơ cau Israel, Ngan kung be dô nă cau ùr ò dòn song sang lòi bau klau be lơi, Gen bol mê kung ò dòn song mơ Añ behơ̆ sơl.’” Yàng Jehôwa đơs behơ̆.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Jeremi 32:16

Tơnơ̆ mơ tŭ añ neh dòp sră cơng tàng blơi sre Baruk in la kòn klau Neriya, gen añ hòi dan mơ Yàng Jehôwa lah:

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Sră Jop 8:17

Ryas gơ dê gơƀar gùt dar gơnru lŭ, Mơ gơ kis digùl ală pơnai lŭ.

Sră Jop 24:12

Jơnau rơnđơh cau chơt bơh tòm ƀòn dờng, Mơ ngko cau sồt rmàñ hòi driau dong kòl. Mơya Yàng Tom Trồ ò ơn nùs di jơnau hòi dan bol khai dê.

Sră Jop 24:23

Kơnràñ lòi bol khai ơm lơngai mơ kơlôi lah kơ̆ nền rau, Mơya gar mat Kơnràñ dê sền sơwì ală gùng dà bol khai dê.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Daniel 9:14

Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”