Jeremi 11:7 - Sră Goh 2018

⁷ Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 11:7 Referans Kwoze

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

I Samuel 8:9

Gen tŭ do iat tĕ bol khai, mơya mê mìng bơto pơhìn bol khai in dô bă kràñ cê mơ yal bol khai in git ală gùng dà cau bơtau at bồ rơp lơh hơđang bol khai.”

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

II Tesalônika 3:12

Bol hi ai sơnđan Yàng Jesu Krist nting sồr mơ bơto tơngkah ală cau hơ̆ pal ơm mŏ mŏ mơ lơh broă, mơ sa piang tê tòm he lơh.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 25:4

Yàng Jehôwa neh kong ơt sồr ală dĭ gơna Kơnràñ, la ală cau gơnoar hwơr, mơya oh mi ò bài iat jơnau, ò ơn tồr iat.

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 8:6

Gen tàng, prap gàr lơh jat ală jơnau gơnoar sồr Jehôwa Yàng Tom Trồ bol mê dê, lòt tĕ tòm ală gùng dà Kơnràñ dê mơ duh rngòt di Kơnràñ.

Yal Wơl 6:2

nàng bol mê, ală kòn sau bol mê dê mơ ală kòn sau bol khai dê tơnơ̆ mơ bol khai rơp duh rngòt di Jehôwa Yàng Tom Trồ bol mê dê tòm jơh rài kis bol mê dê, bơh bơta prap gàr jơh ală bơta lơh nền mơ ală gơnoar sồr mơ añ neh ai bol mê in tồ bol mê rơp geh kis jŏ.

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

Yal Wơl 4:6

Kơrhia tĕ prap gàr ală bơta hơ̆, bơh ală bơta hơ̆ rơp sơnio bơta jak chài mơ git wă bol mê dê ală làng bol in, bol khai rơp kơno bơh jơh ală bơta lơh nền do mơ đơs lah: “Di ngan làng bol dờng do la dô nơm làng bol jak chài mơ git wă.”

Jeremi 25:3

“Neh bàr jơt pe nam, bơh nam dơ̆ jơt pe rài Jôsia, kòn klau Ammôn, bơtau Juda dê, jơl tus di ngai do jơnau Yàng Jehôwa dê neh đơs mơ añ. Añ neh ò dơh đơs mơ oh mi; mơya oh mi ò bài iat añ.

Jeremi 31:32

Bơta ho bal do rơp ò jat bơta ho bal mơ Añ neh ho mơ ồng pàng bol khai dê tòm ngai Añ at tê tề lam bol khai lik bơh lơgar Ejiptơ, hơ̆ la bơta ho bal mơ bol khai neh sang lòi, bulah Añ la bau klau bol khai dê,” Yàng Jehôwa đơs behơ̆.

Jeremi 35:14

Jơnau Jônadap, kòn klau Rekap, neh bơto sồr kòn sau khai lah bañ ñô tơrnòm, gen gơlik gơs di ngan; bol khai ò ñô tơrnòm jơl tus di ngai do, bơh neh dòn jat gơnoar sồr pàng he dê. Ai Añ, neh kong ơt đơs mơ bol mê, mơ bol mê ò bài iat Añ.

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 34:14

‘Tŭ neh jơh poh sơnam, tòm ală bol mê kòp nă pal hồ toh oh mi he, la cau Hebrơ, neh tac bol mê in mơ neh duh broă bol mê prau sơnam rau, mê pal hồ tơlik khai nàng geh khat gơboh.’ Mơya ồng pàng bol mê dê ò bài iat Añ, kung ò ơn tồr kơlôi sơnơng.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;