Jeremi 1:6 - Sră Goh 2018

⁶ Añ đơs lah: “Khoai Yàng Jehôwa! Do, añ ò git đơs ñchi lơi, bơh añ la kơnòm dềt.”

Jeremi 1:6 Referans Kwoze

Lik Ejiptơ 6:12

Mơya Môise đơs mơ Yàng Jehôwa lah: “Làng bol Israel rơp ò iat añ tài bơh añ ò jak đơs, gen Pharaôn rơp iat añ ơ?”

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Lik Ejiptơ 6:30

Mơya Môise đơs lah: “Tài bơh añ la cau ò jak đơs, Pharaôn rơp iat añ ơ?”

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Lik Ejiptơ 4:1

Môise ho wơl lah: “Ñchi añ pal lơh taih, dilah làng bol ò dòn añ hala ò iat jơnau añ mơ đơs lah: ‘Yàng Jehôwa ò gŏ tơlik mat mơ mê ò.’”

Jeremi 4:10

Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Ejekiel 4:14

Gen añ đơs lah: “Ò di behơ̆, ơ Yàng Jehôwa At Bồ Hơđang Jơh, añ ò tŭ lơi lơh ƀơ̆ ƀơl să tòm añ. Bơh tŭ kơnòm să tus tŭ do, añ ò tŭ lơi sa phan chơt is hala kong phan brê crè poac. Ò tŭ lơi gơs poac ò goh lơi mut tòm bơr añ jê.”

Sacari 2:4

mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.

Jeremi 34:6

Gen cau gơnoar hwơr Jeremi đơs ală jơnau hơ̆ mơ Jedekia, bơtau Juda, tòm Jerusalem,