Jang 8:28 - Sră Goh 2018

²⁸ Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Jang 8:28 Referans Kwoze

Jang 5:30

Añ ò rgơi lơh is bơta lơi; Añ cahrña jat bơta Añ kơno, mơ bơta cahrña Añ jê la song ring, bơh Añ ò jòi jat nùs is Añ jê, mơya jòi jat nùs kòñ Bơtau neh sồr Añ lòt tus.

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 6:38

Tài bơh Añ bơh đang trồ mù, ò di nàng lơh jat nùs kòñ Añ, mơya lơh jat nùs kòñ Bơtau neh sồr Añ lòt tus.

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Broă 4:4

Bulah behơ̆, tòm ală cau iat jơnau Yàng gơs oă cau dòn, ntum cau klau gơbơtơl tus di pơgap pram rbô nă.

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Jang 19:18

Tềng hơ̆ bol khai pơng Kơnràñ, mơ gơs bàr nă cau ndai kong pơng bal mơ Kơnràñ, dô nă đah ma, dô nă đah kiau, Yàng Jesu digùl.

Jang 16:10

Bơh bơta song ring, tài bơh Añ rê wơl hơ Bèp, mơ bol mê ò gŏ Añ tai:

Jang 11:42

Añ neh git Bèp dòp jơnau Añ sùm, mơya Añ đơs bơta hơ̆ tài bơh ală cau ơm ntào gùt dar do, tồ bol khai in dòn lah Bèp neh sồr Añ lòt tus.”

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Jang 3:11

Di ngan, di ngan, Añ đơs mơ mê, bol hi đơs bơta hi git, lơh cơng bơta hi neh gŏ; ai bol mê ò dòp jơnau lơh cơng bol hi dê.

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Yal Wơl 18:18

Añ rơp bơtào tơngguh bol khai in dô nă cau gơnoar hwơr tòm toh kung be mê bơh digùl ală oh mi bol khai dê; Añ rơp ơn ală jơnau đơs Añ jê tòm bơr khai dê, mơ khai rơp yal bol khai in kòp jơnau Añ sồr khai.

Mathiơ 24:5

Bơh gơs oă cau rơp ai sơnđan Añ tus mơ đơs lah: ‘Añ la Bơtau Krist,’ mơ rơp pơrlồm lơh oă cau in tìs nrah.

Jơnau Niam Jat Mak 13:6

Gơs oă cau rơp ai sơnđan Añ tus mơ đơs lah: ‘Añ la Bơtau Krist!’ Mơ rơp pơrlồm lơh oă cau in tìs nrah.

Luka 21:8

Kơnràñ đơs lah: “Kơrhia tĕ, rngòt bol mê gơkòl pơrlồm tìs nrah mòn, bơh gơs oă cau rơp ai sơnđan Añ lòt tus mơ đơs lah: ‘Añ la Krist!’ mơ lah: ‘Tŭ tơngai neh tus rềp.’ Bol mê bañ lòt jat bol khai.

Jang 4:26

Yàng Jesu đơs lah: “Añ, cau ơm đơs mơ ai do, la Bơtau hơ̆.”

Jang 8:27

Bol khai ò git wă lah Kơnràñ đơs bơh Bèp bol khai in.

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

Jang 13:19

Bơh tŭ do, Añ yal bol mê in lài mơ tŭ broă hơ̆ òhềt gơlik gơs; nàng tòm tŭ broă hơ̆ gơlik gơs rau, gen bol mê dòn Añ la Bơtau neh gơs mơ gam gơs sùm sùm.

Jang 18:32

Bơta do gơlik di ngan be jơnau Yàng Jesu neh đơs, nàng sơnio Kơnràñ pal kong chơt be lơi.