Jang 8:17 - Sră Goh 2018

¹⁷ Tòm bơta boh lam bol mê dê kung neh cih lah jơnau lơh cơng bàr nă cau dê la song ngan.

Jang 8:17 Referans Kwoze

Yal Wơl 19:15

Dô nă cau lơh cơng gen ò tơl nàng cahrña lơh nền glài dô nă cau gơkòl yă bơh dô nơm glài lơi hala dô bơta lơh tìs lơi mơ khai neh kòl. Dô bơta yă wơn pal geh cahrña lơh nền bơh jơnau lơh cơng bàr hala pe nă cau lơh cơng dê.

Yal Wơl 17:6

Jat jơnau lơh cơng bàr hala pe nă cau dê gen sồng rgơi lơh glài tơnchơt dô nă cau, mơya bañ gơs cau lơi kong lơh glài tơnchơt tài bơh gơs mìng dô nă cau lơh cơng lơm.

Hebrơ 10:28

Cau lơi neh lơh tìs mơ bơta boh lam Môise dê, dilah gơs bàr pe nă cau lơh cơng, gen cau hơ̆ pal chơt ò gơs bơta nđàc sơngit,

Mathiơ 18:16

Mơ dilah khai ò iat, gen lam tĕ dô nă hala bàr nă cau lòt bal mơ mê, tồ jơnau bàr pe nă cau lơh cơng mơ kòp jơnau geh lơh nền.

Galati 3:24

Behơ̆ bơta boh lam kung be cau bơto lam bol he lòt tus hơ Bơtau Krist, tồ bol he in bơh bơta dòn mơ geh kòp la song ring.

II Kôrintô 13:1

Do la dơ̆ pe mơ añ lòt tus hơ oh mi. “Jơh ală broă geh lơh nền jat be jơnau bàr pe nă cau lơh cơng.” Jat jơnau Sră Goh đơs.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Galati 4:21

Yal tĕ añ in git, ơ ală cau kòñ ơm tòm gơnoar bơta boh lam dê, oh mi ò kơno bơta boh lam sơl ơ?

I Jang 5:9

Dilah bol he dòp jơnau lơh cơng jơi kòn mơnus dê, gen jơnau lơh cơng Yàng Tom Trồ dê la dờng màng rlau; do la jơnau lơh cơng Yàng Tom Trồ dê, hơ̆ la jơnau lơh cơng bơh Kòn Kơnràñ.

I Ală Bơtau 21:10

ơn tĕ di đap mat khai bàr nă cau gơlềng gơlàng lơh cơng blac tòmdră mơ khai, lah: ‘Mê neh srat rma Yàng Tom Trồ mơ bơtau.’ Gen lam tĕ khai lik bơh ƀòn, cơm lŭ jơl chơt tơn.”

Jang 15:25

Hơ̆ tồ gơlik di ngan be jơnau neh cih tòm bơta boh lam bol khai dê lah: ‘Bol khai gơjrañ di Añ la ò bồ.’

Jang 10:34

Yàng Jesu ho lah: “Ò di tòm bơta boh lam bol mê dê gơs cih lah: ‘Añ neh đơs: Ală bol mê la yàng,’ ò ơ?

Khà Làng Bol 35:30

Cau lơi tơnchơt dô nă cau gen pal kong tơnchơt kung be dô nă cau tơnchơt cau mìng jat jơnau lơh cơng ală cau lơh cơng dê. Mơya ò gơs cau lơi rơp kong lơh glài tơnchơt dilah gơs jơnau lơh cơng mìng dô nă cau lơh cơng dê lơm.