Jang 5:37 - Sră Goh 2018

³⁷ Să tòm Bèp la Bơtau neh sồr Añ lòt tus kung lơh cơng bơh Añ. Bol mê òhềt tŭ lơi kơno jơnau đơs Kơnràñ, kung òhềt tŭ lơi gŏ rùp să Kơnràñ dê.

Jang 5:37 Referans Kwoze

Jang 8:18

Añ lơh cơng is bơh să tòm Añ, mơ Bèp la Bơtau neh sồr Añ lòt tus kung lơh cơng Añ in sơl.”

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Jang 4:12

Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Yal Wơl 4:12

Gen Yàng Jehôwa neh đơs mơ bol mê bơh digùl ồs. Bol mê neh kơno sap đơs mơya ò gŏ rùp să lơi; gơs mìng sap đơs lơm.

Lik Ejiptơ 20:19

Bol khai đơs mơ Môise lah: “Ồng đơs tĕ mơ bol hi gen bol hi rơp iat, mơya bañ lòi Yàng Tom Trồ đơs mơ bol hi, rngòt bol hi pal chơt.”

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Esai 26:10

Bulah bơta nđàc geh yal tơlik cau iơh bơsak in, bol khai kung ò bơtê bơta song ring; bulah tòm lơgar bơta song ring, bol khai kư̆ dờng nùs, mơ ò sền gŏ bơta ryŭ ryơm Yàng Jehôwa dê.

Jơnau Niam Jat Mak 1:11

Mơ gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Jang 5:32

Gơs Bơtau ndai lơh cơng bơh Añ, mơ Añ git lah jơnau Bơtau hơ̆ lơh cơng bơh Añ la ngan.

I Jang 5:9

Dilah bol he dòp jơnau lơh cơng jơi kòn mơnus dê, gen jơnau lơh cơng Yàng Tom Trồ dê la dờng màng rlau; do la jơnau lơh cơng Yàng Tom Trồ dê, hơ̆ la jơnau lơh cơng bơh Kòn Kơnràñ.