Jang 4:15 - Sră Goh 2018

¹⁵ Cau ùr đơs: “Ơ Ồng, dan ai añ in dà hơ̆, nàng añ ò gam tơhìr mơ ò càng lòt tus tềng do nàng bơ̆ dà tai.”

Jang 4:15 Referans Kwoze

Jang 6:34

Behơ̆ bol hơ̆ đơs lah: “Ơ ồng, dan ai piang lă hơ̆ bol hi in sùm sùm.”

Rôma 8:5

Bơh cau kis jat poac să, gen kơlôi wèt ală bơta đah poac să, ai cau kis jat Yàng Hwềng gen kơlôi wèt ală bơta đah Yàng Hwềng.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Jang 6:26

Yàng Jesu ho lah: “Di ngan, Añ đơs ngan mơ bol mê, bol mê jòi Añ ò di bơh neh gŏ ală tềl krơi, mơya bơh bol mê neh sa hòm piang lă jat be nùs kòñ.

Đơs Crih 4:6

Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Jakơ 4:3

Oh mi hòi dan mơ ò dòp geh tài bơh dan tìs jơnau, nàng ngui jat nùs hàm kòñ is he dê.

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

Jang 4:16

Yàng Jesu sồr lah: “Lòt tĕ hòi bau klau ai dê, lồc behơ̆ rê wơl hơ do.”

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.