Jang 21:16 - Sră Goh 2018

¹⁶ Kơnràñ đơs dơ̆ bàr mơ khai lah: “Ơ Simôn, kòn Jôna, mê kòñ gơboh di Añ sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ê tĕ ală belàt Añ jê.”

Jang 21:16 Referans Kwoze

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

Đơs Crih 100:3

Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

Đơs Crih 95:7

Bơh Kơnràñ la Yàng Tom Trồ bol he dê; Bol he la làng bol ơm tòm ƀlàng ñhơt Kơnràñ dê, Mơ la belàt tòm tê Kơnràñ dê. Kơp kòñ ngai do dilah bol mê rơp iat jơnau đơs Kơnràñ dê!

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Jang 18:25

Tòm tŭ Simôn Pier ntào ñjơr ồs, gen gơs cau lùp khai lah: “Mê ò di kung la dô nă cau bơtê khai dê ò ơ?” Gen khai pơndang mơ đơs lah: “Añ ò di.”

Jang 18:17

Behơ̆ cau ùr kơp mpồng đơs mơ Pier lah: “Mê ò di kung la dô nă tòm ală cau bơtê cau ne dê ò ơ?” Khai đơs lah: “Añ ò di.”

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Mathiơ 26:72

Mơ Pier srat să pơndang tai lah: “Añ ò git cau hơ̆ ò.”

Mathiơ 25:32

Jơh ală làng bol pơjum bal di đap Kơnràñ, gen Kơnràñ cah is làng bol do mơ làng bol ndai, kung be cau ê cah belàt mơ be,

Mathiơ 2:6

‘Ơ Betlehem, tòm ƀòn Juda dê! Ngan mê ò di dềt rlau jơh mơ ală ƀòn dờng lơgar Juda dê ò, Bơh dê mê rơp gơlik dô nă cau kwang dờng, La Bơtau rơp ê gàr làng bol Israel Añ jê.’”

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.