Jang 17:18 - Sră Goh 2018

¹⁸ Be Bèp neh sồr Añ lòt tus tòm dunnia, gen Añ kung sồr bol khai lòt tus tòm dunnia sơl.

Jang 17:18 Referans Kwoze

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 4:38

Añ neh sồr bol mê toès tòm tiah bol mê ò kong bòl glar lơh broă; cau ndai neh kong bòl glar lơh broă, ai bol mê neh mut tòmpà cồng nha broă bòl glar bol khai dê.”

Mathiơ 10:5

Gen Yàng Jesu sồr jơt bàr nă cau gơnoar bơto dờng do lòt mơ nting lah: “Bañ lòt tus hơ làng bol Bơdìh, mơ bañ mut tòm ƀòn dờng lơi cau Samari dê,

Ephesô 3:7

Ai añ neh geh lơh gơs cau gơnoar duh broă Jơnau Niam hơ̆ dê, jat be bơta nđàc ai gòi Yàng Tom Trồ dê, mơ Kơnràñ neh ai añ in jat bơta lơh broă gơnap gơnoar Kơnràñ dê.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Mathiơ 23:34

Gen tàng, Añ sồr ală cau gơnoar hwơr, ală cau jak chài, mơ ală cau bơto bơta boh lam tus hơ bol mê; gen cau ƀà bol mê rơp tơnchơt mơ pơng hơđang chi pơng, cau ndai bol mê rơp pù lơh tòm hìu jum, mơ kup kơryan bol khai bơh ƀòn dờng do tus ƀòn dờng ne.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 3:17

Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs.