Jang 17:13 - Sră Goh 2018

¹³ Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Jang 17:13 Referans Kwoze

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

I Jang 1:4

Bol hi cih ală bơta do nàng bơta hòn chò bol he dê geh wil tơl.

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

II Jang 1:12

Añ gam gơs oă bơta kòñ cih oh mi in mơya añ ò kòñ cih mơ sră mơ dà cih, añ kơp kòñ lòt tus hơ oh mi, tòmtìp mat mơ tòmbơhbơr bal tồ bơta hòn chò bol he dê geh wil tơl.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Đơs Crih 126:5

Cau lơi sih gar mơ hòr dà mat, Gen ngan rơp toès dô bă chò hòp.

Đơs Crih 43:4

Gen añ rơp lòt tus hơ cơnòng duh khoai Yàng Tom Trồ, La Yàng Tom Trồ ai añ in bơta hòn chò dờng ngan ò git lơh; Ơ Yàng la Yàng Tom Trồ añ jê, añ rơp pĕ kơñi mơ jòng ro Yàng.

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Broă 13:52

Ai ală cau dòn tòm Antiôt gen geh bềng lìu bơta hòn chò mơ Yàng Hwềng Goh.

Jang 7:33

Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.