Jang 16:32 - Sră Goh 2018

³² Do jơ tus, mơ neh tus rau, tŭ bol mê rơp gơprah gơpring, kòp nă lòt gùng is, mơ lòi is dô nă Añ; mơya Añ ò ơm is dô nă, tài bơh Bèp ơm mơ Añ.

Jang 16:32 Referans Kwoze

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 26:31

Tŭ hơ̆ Kơnràñ đơs mơ bol khai lah: “Mang do jơh ală bol mê rơp gơtup tìs tài bơh Añ, bơh neh cih lah: ‘Añ rơp pù lơh cau ê belàt, Gen mpồl belàt rơp gơprah gơpring.’

Jang 8:29

Bơtau neh sồr Añ lòt tus gam ơm sùm sùm mơ Añ, ò lòi Añ ơm is; tài bơh Añ lơh ală bơta niam nùs Kơnràñ sùm.”

Jang 8:16

Dilah Añ cahrña, gen bơta cahrña Añ jê la song ngan; bơh ò di mìng dô nă Añ, mơya Añ mơ Bèp la Bơtau neh sồr Añ lòt tus cahrña bal.

Jơnau Niam Jat Mak 14:27

Yàng Jesu đơs mơ bol khai lah: “Jơh ală bol mê rơp dô mơ sang lòi Añ bơh gơs jơnau cih lah: ‘Yàng Tom Trồ rơp tơnchơt cau ê belàt, Gen ală belàt rơp gơprah gơpring.’

Mathiơ 26:56

Mơya jơh ală bơta do neh gơlik tus nàng jơnau ală cau gơnoar hwơr dê gơlik di ngan.” Tŭ hơ̆ jơh ală cau bơtê sang lòi Kơnràñ mơ dô.

Jang 20:10

Chòp bàr nă cau bơtê rê wơl hơ hìu bol khai dê.

Jang 16:25

Añ neh ai jơnau pơnyơu nàng đơs ală bơta hơ̆ mơ bol mê. Jơ tus, gen Añ ò tai ai jơnau pơnyơu nàng đơs mơ bol mê ò, mơya Añ rơp yal loh làng bơh Bèp bol mê in.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Jang 4:21

Yàng Jesu ho lah: “Ơ cau ùr, dòn tĕ Añ, jơ rơp tus gen ală bol ai duh khoai Bèp ò di hơđang mơnơm do, kung ò di tòm Jerusalem.

Jang 12:23

Yàng Jesu ho lah: “Jơ Kòn Mơnus pal geh gơklŏ neh tus rau.

Jang 5:28

Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Jơnau Niam Jat Mak 14:50

Jơh tơl nă sang lòi Kơnràñ mơ dô.

Broă 8:1

Sol dô nùs bal tòm bơta tơnchơt Etien. Tòm ngai hơ̆, Hìu Jum Goh tòm Jerusalem gơtìp bơta kup kơryan dờng ngan; jơh ală cau dòn Yàng dô nrah nring tòm làm lơgar Jude mơ lơgar Samari, gam mìng ală cau gơnoar bơto dờng lơm.

Jang 16:31

Yàng Jesu ho lah: “Tŭ do bol mê dòn sơl?

Jang 19:27

Chòp Kơnràñ đơs mơ cau bơtê hơ̆ lah: “Do la mè mê!” Bơh jơ hơ̆, cau bơtê hơ̆ rò mò rê tòm hìu khai dê.

Broă 21:6

Tơnơ̆ mơ tŭ tòm tơngac bal, gen bol hi mut tòm ơhò, ai ală bol khai rê wơl tòm hìu.