Jang 16:12 - Sră Goh 2018

¹² Añ gam gơs oă bơta tai kòñ đơs mơ bol mê, mơya tŭ do bol mê ò rgơi git wă.

Jang 16:12 Referans Kwoze

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jơnau Niam Jat Mak 4:33

Yàng Jesu ngui oă jơnau pơnyơu ndròm behơ̆ mơ bơto jơnau Yàng bol khai in, jat be bơta chài rgơi bol khai wă.

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 16:11

Bơh bơta cahrña, tài bơh bơtau dunnia do neh kong cahrña rau.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.