Jang 15:21 - Sră Goh 2018

²¹ Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Jang 15:21 Referans Kwoze

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

Mathiơ 24:9

Tŭ hơ̆ cau rơp tơmut bol mê tòm bơta rung rài mơ tơnchơt; bol mê rơp kong jơh ală làng bol gơjrañ kơuềng bơh sơnđan Añ.

Mathiơ 10:18

Bol mê rơp kòl hwài tus di đap ală cau kwang đơng lơgar mơ ală cau bơtau tài bơh Añ, nàng lơh cơng di đap bol khai mơ ală làng bol Bơdìh.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 2:8

Tòm ală cau at bồ rài do ò gơs dô nă cau lơi git bơta jak chài hơ̆, bơh dilah bol khai neh git gen bol khai ò pơng Yàng gơklŏ hơđang chi pơng.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Broă 17:23

Bơh tòm tŭ añ lòt làm ƀòn dờng mơ sền ală tiah duh khoai ală ồng dê, añ gŏ dô nơm cơnòng duh khoai gơs jơnau cih lah: DUH YÀNG ÒHỀT GIT. Behơ̆ Bơtau ală ồng duh khoai mơ ò git hơ̆, la Bơtau añ bơto yal ală ồng in do.

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Broă 3:17

Tŭ do, ơ làng bol Israel, añ git oh mi mơ ală cau kwang oh mi dê neh lơh bơta hơ̆ tài bơh ò git.

Jang 8:54

Yàng Jesu ho lah: “Dilah Añ lơh gơklŏ is Añ in, gen bơta gơklŏ Añ jê la ò gơlik lơ̆; să tòm Bèp lơh gơklŏ Añ in, Kơnràñ la Bơtau bol mê sơnđan la Yàng Tom Trồ bol mê dê.

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Mathiơ 10:39

Cau lơi jòi bàn bơta kis he, gen rơp roh; ai cau lơi tài bơh Añ mơ roh bơta kis he, gen rơp jòi bàn wơl.”

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Đơs Crih 69:7

Hơ̆ la tài bơh Kơnràñ mơ añ kong cau bơtat bơtròh, Mơ kòl bơta ƀàssìl gơ jơm hơđang mat añ.

Mathiơ 5:11

Lơngai bol mê in tài bơh Añ mơ gơkòl cau bơtat bơtròh, kup kơryan, mơ yă blac jơh ală bơta iơh.

Jơnau Niam Jat Mak 13:13

Bol mê rơp gơkòl jơh ală cau gơjrañ kơuềng tài bơh sơnđan Añ, mơya cau lơi kơ̆ nùs jơl tus di lồi dut gen rơp geh dong klàs.”

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Luka 21:17

Bol mê rơp gơkòl jơh ală cau gơjrañ kơuềng tài bơh sơnđan Añ.

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Broă 4:17

Mơya bol he ai tĕ jơnau pơhìn bơkơŭ bol khai bañ ai tai sơnđan Yàng Jesu mơ bơto sồr cau lơi in, tồ geh klàs gơpơnro broă do tòm làng bol tai.”

Broă 9:14

Tŭ do, cau hơ̆ ơm tềng do geh tơl gơnoar bơh ală cau gơnoar lam bồ ơn phan duh khoai nàng kup cap jơh ală cau hòi dan di sơnđan Kơnràñ.”

Broă 26:9

Ngan, să tòm añ neh kơlôi lah pal ngui oă bơta nàng tòmdră di sơnđan Jesu Cau Nasaret.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

III Jang 1:7

Hơ̆ la tài bơh sơnđan Yàng mơ bol khai lik lòt, mơ ò dòp leng phan lơi bơh cau bơdìh.