Jang 15:11 - Sră Goh 2018

¹¹ Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 15:11 Referans Kwoze

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Jang 17:13

Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Jang 16:24

Tus di tŭ do, bol mê òhềt ai sơnđan Añ mơ dan bơta lơi. Dan tĕ, gen bol mê rơp geh, tồ bơta hòn chò bol mê dê geh wil tơl.

I Jang 1:4

Bol hi cih ală bơta do nàng bơta hòn chò bol he dê geh wil tơl.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

II Jang 1:12

Añ gam gơs oă bơta kòñ cih oh mi in mơya añ ò kòñ cih mơ sră mơ dà cih, añ kơp kòñ lòt tus hơ oh mi, tòmtìp mat mơ tòmbơhbơr bal tồ bơta hòn chò bol he dê geh wil tơl.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

II Kôrintô 1:24

mơ ò di bol hi kòñ at bồ bơta dòn oh mi dê, mơya bol hi kòñ dong kòl bơta hòn chò oh mi dê, bơh oh mi geh ntào kơ̆ tòm bơta dòn.

I Tesalônika 5:16

Hòn chò tĕ sùm sùm.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 15:9

Dơ̆ khai neh jòi bàn rau, gen khai hòi ală oh mi bơyô mơ cau gơp ƀòn tus mơ đơs lah: ‘Hòn chò tĕ bal mơ añ, bơh añ neh jòi bàn pet priă neh roh.’

Philip 1:25

Añ gơs bơta dòn nền hơ̆ gen añ git lah añ kư̆ gam ơm bal mơ jơh ală oh mi, nàng dong oh mi geh ntoat tơngguh mơ hòn chò tòm bơta dòn;

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Luka 15:5

Dơ̆ neh jòi bàn rau, gen hòn chò tui gơ hơđang pơnì,

Luka 15:23

Kup tĕ kơnrồ kòn lơmă nàng lơh poac. Bol he sa chò hòp lă!

Jeremi 32:41

Añ rơp chò hòp mơ ai lơngai bol khai in, mơ Añ rơp tam bol khai tòm lơgar do tòm bơta dòn song, mơ jơh nùs jơh hwềng soàn Añ jê.’

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Esai 62:4

Cau rơp ò tai sơnđan ai la Cau kong sang lòi, mơ ù tiah ai dê ò gam lòi srau gòi tai. Mơya ai rơp geh sơnđan la cau Añ kòñ gơboh, mơ ù tiah ai dê la cau gơs bau klau; bơh Yàng Jehôwa rơp kòñ gơboh di ai, mơ ù tiah ai dê rơp geh bau.