Jang 15:10 - Sră Goh 2018

¹⁰ Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Jang 15:10 Referans Kwoze

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

I Jang 5:3

Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

II Pier 2:21

Chan bol khai ò gơs tŭ lơi git gùng bơta song ring dê la niam rlau mơ neh git rau mơya tơnơ̆ wơl pơrlac sang bơta sồr lam sàng goh neh bơto yal bol khai in.

Jang 8:29

Bơtau neh sồr Añ lòt tus gam ơm sùm sùm mơ Añ, ò lòi Añ ơm is; tài bơh Añ lơh ală bơta niam nùs Kơnràñ sùm.”

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

Jang 17:4

Añ neh lơh gơklŏ Bèp in tòm ù, mơ lơh sir broă Bèp neh jào Añ in lơh.

Jang 14:31

Mơya nàng dunnia in git lah Añ kòñ gơboh di Bèp, mơ Bèp neh sồr Añ be lơi gen Añ lơh jat behơ̆. Ntào tĕ, bol he lòt bơh do.”

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

I Kôrintô 7:19

Bơta siat gơltau hala ò siat gơltau ò di la dờng màng; bơta dờng màng la prap gàr ală bơta sồr lam Yàng Tom Trồ dê.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Esai 50:5

Yàng Jehôwa la Yàng Tom Trồ neh pò tồr Añ, Añ ò gam tòmdră, Añ neh ò ruc wơl.

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.

Lik Ejiptơ 7:6

Môise mơ Arôn lơh jat tòm toh be jơnau Yàng Jehôwa neh sồr bol khai.

II Samuel 22:22

Bơh añ neh lòt jat ală gùng dà Yàng Jehôwa dê; añ neh ò lơh iơh mơ pơrlac sang Yàng Tom Trồ añ jê.

II Ală Bơtau 18:6

Khai đềt mềr mơ Yàng Jehôwa; ò sang lòi Kơnràñ, mơya prap gàr ală bơta sồr lam mơ Yàng Jehôwa neh nting sồr Môise in.