Jang 14:20 - Sră Goh 2018

²⁰ Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 14:20 Referans Kwoze

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

I Jang 4:12

Ò gơs tŭ lơi gơs cau gŏ Yàng Tom Trồ; dilah bol he kòñ gơboh bal mơ gơp, gen Yàng Tom Trồ ơm sùm tòm bol he, mơ bơta kòñ gơboh Kơnràñ dê geh wil tơl tòm bol he.

Jang 14:10

Mê ò dòn lah Añ ơm tòm Bèp mơ Bèp ơm tòm Añ ò ơ? Ală jơnau Añ đơs mơ bol mê, ò di bơh Añ đơs is Añ jê, mơya hơ̆ la Bèp ơm tòm Añ mơ lơh broă Kơnràñ dê.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

II Kôrintô 13:5

Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Jang 16:26

Tòm ngai hơ̆ bol mê rơp ai sơnđan Añ mơ dan, Añ ò đơs Añ rơp bơh bol mê mơ hòi dan mơ Bèp ò;

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Jang 6:56

Cau lơi sa poac Añ mơ hùc mhàm Añ, gen ơm tòm Añ mơ Añ ơm tòm cau hơ̆.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 16:23

Tòm ngai hơ̆ bol mê rơp ò lùp Añ bơh bơta lơi tai. Ngan, Añ đơs ngan mơ bol mê, bơta lơi bol mê rơp dan mơ Bèp, gen Kơnràñ rơp bơh sơnđan Añ mơ ai bol mê in.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Jang 17:7

Tŭ do bol khai git lah jơh ală bơta Bèp neh ai Añ in la bơh Bèp mơ tus.

II Kôrintô 12:2

Añ git dô nă cau tòm Bơtau Krist, bơh jơt poan nam lài neh geh cèng guh tus hơ tap trồ dơ̆ pe, (dilah tòm să jan añ ò git, hala bơdìh să jan, añ kung ò git; gơs Yàng Tom Trồ git).

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Rôma 16:7

Dan còp să Andrônik mơ Junia la cau gơp bơtiàn Juda mơ bơyô kong jàm bal mơ añ, mơ la cau neh geh tiơng pơnro tòm ală cau gơnoar bơto dờng mơ neh ơm tòm Bơtau Krist lài mơ añ.

Jang 14:11

Dòn tĕ lah Añ ơm tòm Bèp mơ Bèp ơm tòm Añ, dilah ò gen bơh ală broă hơ̆ mơ dòn tĕ Añ.