Jang 14:10 - Sră Goh 2018

¹⁰ Mê ò dòn lah Añ ơm tòm Bèp mơ Bèp ơm tòm Añ ò ơ? Ală jơnau Añ đơs mơ bol mê, ò di bơh Añ đơs is Añ jê, mơya hơ̆ la Bèp ơm tòm Añ mơ lơh broă Kơnràñ dê.

Jang 14:10 Referans Kwoze

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 10:38

Ai dilah Añ lơh ală broă hơ̆, gen bulah bol mê ò dòn Añ, dòn tĕ ală broă Añ jê, nàng bol mê in rgơi git mơ wă lah Bèp ơm tòm Añ mơ Añ ơm tòm Bèp.”

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Jang 10:30

Añ mơ Bèp la dùl.”

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 5:17

Mơya Yàng Jesu ho bol khai lah: “Bèp Añ lơh broă tus di tŭ do, mơ Añ kung lơh broă behơ̆ sơl.”

I Jang 5:7

Yàng Hwềng lơh cơng, tài bơh Yàng Hwềng la jơnau song.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Jang 8:38

Añ đơs bơta Añ neh gŏ bơh di Bèp Añ, ai bol mê lơh bơta bol mê neh kơno bơh di bèp bol mê dê.”

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 7:16

Yàng Jesu ho lah: “Gùng jơnau song Añ bơto ò di bơh Añ, mơya bơh Bơtau neh sồr Añ lòt tus.

Jang 8:40

Mơya tŭ do bol mê jòi nàng tơnchơt Añ, la cau neh yal bol mê in jơnau song neh kơno bơh Yàng Tom Trồ; Abraham ò gơs tŭ lơi lơh bơta hơ̆!

Jang 11:26

Ai cau lơi kis mơ dòn Añ gen rơp ò tŭ lơi chơt ò. Ai dòn bơta hơ̆ sơl?”

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 14:11

Dòn tĕ lah Añ ơm tòm Bèp mơ Bèp ơm tòm Añ, dilah ò gen bơh ală broă hơ̆ mơ dòn tĕ Añ.

Jang 14:24

Ai cau lơi ò kòñ gơboh di Añ gen ò prap gàr ală jơnau Añ jê; mơ jơnau bol mê kơno hơ̆, ò di la jơnau Añ jê, mơya la jơnau Bèp dê, la Bơtau neh sồr Añ lòt tus.