Jang 13:17 - Sră Goh 2018

¹⁷ Dilah bol mê git ală bơta do mơ lơh jat, gen geh lơngai.

Jang 13:17 Referans Kwoze

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Jakơ 4:17

Gen tàng cau lơi git broă niam pal lơh mơ ò lơh gen tìs glài.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Lik Ejiptơ 40:16

Môise lơh jơh ală bơta tòm toh jat be Yàng Jehôwa neh sồr khai.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.

Đơs Crih 19:11

Rlau mơ hơ̆, ală bơta hơ̆ kung bơto cau duh broă Yàng in git wă loh; Cau lơi prap gàr gen geh phan ƀàn dờng ngan.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Sơnròp Gơlik Gơs 6:22

Nôe lơh ală broă do be jơnau Yàng Tom Trồ neh sồr.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Jơnau Pơnđik 29:18

Tiah lơi siơ̆u bơta gơtơnggŏ làng bol rơp gơlềng gơlàng; mơya cau lơi prap gàr bơta sồr lam geh lơngai lơngò ngan!

Jeremi 11:6

Mơ Yàng Jehôwa đơs mơ añ lah: “Yal tơlik tĕ ală jơnau do tòm ală ƀòn dờng Juda dê mơ tòm ală gùng Jerusalem dê lah: ‘Iat tĕ ală jơnau ho bal do mơ lơh jat.’

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.