Jang 12:40 - Sră Goh 2018

⁴⁰ “Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Jang 12:40 Referans Kwoze

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Luka 8:10

Kơnràñ đơs lah: “Neh ai bol mê in git ală bơta ndơp ndơr lơgar Yàng Tom Trồ dê, mơya gơwèt mơ ală cau ndai gen ngui jơnau pơnyơu, nàng bol khai in sền mơ ò gŏ, kơno mơ ò git wă.

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Sră Ôse 14:4

Añ rơp sơmbòi bơta ò dòn song bol khai dê, Añ rơp kòñ gơboh dê bol khai jơh nùs; bơh bơta gơjrañ Añ jê neh pơrlac bơh di bol khai.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Đơs Crih 147:3

Kơnràñ sơmbòi cau gơs nùs jê sồt moat jrùng, Mơ pùt tiah sồt bol khai dê.

Đơs Crih 41:4

Ai añ, añ đơs lah: “Ơ Yàng Jehôwa, dan nđàc di añ; Sơmbòi añ, bơh añ neh tìs glài tòmdră mơ Yàng.”

Đơs Crih 6:2

Ơ Yàng Jehôwa, dan kòñ nđàc di añ, bơh añ òsô ò soàn; Ơ Yàng Jehôwa, sơm añ, bơh ntìng añ gơ mprơm.

Jôsue 11:20

Bơh Yàng Jehôwa neh lơh bol khai in kơldang nùs, nàng bol khai tus tòmdră mơ Israel tòm bơta lơh kơlìn, tồ bol khai pal kong tơnroh jơh, mơ ò rgơi dòp bơta nđàc; mơya pal tơnroh jơh jat be Yàng Jehôwa neh sồr Môise.

Yal Wơl 29:4

Mơya jơl tus di tŭ do Yàng Jehôwa òhềt ai bol mê in dơngoh jak nàng git wă hala ală gar mat nàng sền gŏ hala ală trồm tồr nàng kơno.

Rôma 9:18

Behơ̆ Kơnràñ gơs nùs nđàc sơngit di cau lơi gen nđàc sơngit, mơ kòñ lơh kơldang nùs cau lơi gen lơh.

Broă 28:26

‘Lòt tus tĕ hơ làng bol do mơ đơs lah: Bol mê kơno mơya ò git wă dô êt lơi, Bol mê sền gen gŏ mơya ò git đal dô êt lơi.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Broă 15:3

Behơ̆, tơnơ̆ mơ tŭ geh Hìu Jum Goh jun lòt gùng, bol khai lòt gan Phenesi mơ Samari, yal wơl bơta ală cau làng bol bơdìh rê wơl hơ Yàng Tom Trồ, lơh jơh ală cau dòn in geh hòn chò oă ngan.

Jơnau Niam Jat Mak 6:52

bơh ò git wă loh làng bơta krơi bơh ală piang lă, ai pram rbô nă cau sa, tài bơh nùs bol khai gam kră kơldang.

Esai 53:5

Mơya Kơnràñ neh bơh tồi glài bol he dê mơ kong tềl sồt, bơh bơta iơh bơsak bol he dê mơ kong tơnlề; bơh bơta lơh glài Kơnràñ kong mơ bol he geh lơngap lơngai, bơh tềl sồt Kơnràñ dê mơ bol he geh sơmbòi.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Lik Ejiptơ 14:17

Gen Añ rơp lơh cau Ejiptơ in kơldang nùs nàng bol khai rơp mù tòm dàlềng mơ ting jat cau Israel. Mơ Añ rơp geh gơklŏ bơh Pharaôn bal mơ jơh mpồl ling khai dê, bơh ală rơndeh lòs tòmlơh bal mơ ală cau ling hào ơseh khai dê.

Lik Ejiptơ 14:8

Yàng Jehôwa lơh kơldang nùs Pharaôn, bơtau Ejiptơ dê, nàng khai ting jat cau Israel tòm tŭ cau Israel lik lòt dô bă khin cha ngan.

Lik Ejiptơ 14:4

Añ rơp lơh kơldang nùs Pharaôn dê, khai rơp ting jat cau Israel. Mơya să tòm Añ rơp geh gơklŏ bơh Pharaôn mơ jơh mpồl ling khai dê, mơ cau Ejiptơ rơp git Añ la Yàng Jehôwa.” Mơ cau Israel lơh jat behơ̆.

Lik Ejiptơ 7:13

Bulah behơ̆ nùs Pharaôn neh gơlik kră kơldang mơ khai ò iat Môise mơ Arôn, tòm toh be jơnau Yàng Jehôwa neh đơs.

Lik Ejiptơ 7:3

Mơya Añ rơp lơh kơldang nùs Pharaôn, mơ bulah Añ bơtơl oă bơta krơi tềl is Añ jê tòm lơgar Ejiptơ,

Lik Ejiptơ 4:21

Yàng Jehôwa đơs mơ Môise lah: “Tòm tŭ mê rê wơl hơ lơgar Ejiptơ, lơh tĕ di đap Pharaôn ală bơta krơi Añ neh ai mê in gơnap gơnoar nàng lơh; mơya Añ rơp lơh khai in kơldang nùs, khai rơp ò ai làng bol in lik lòt.

I Ală Bơtau 22:20

Yàng Jehôwa lùp lah: “Ñcau rơp lòt pơndòm ơniai Ahap, nàng khai guh hơ Ramôt tòm Galaat, mơ gơpừ chơt tềng hơ̆ taih? Cau do ho be do, cau ne ho be dă.”

Lik Ejiptơ 9:12

Mơya Yàng Jehôwa neh lơh kơldang nùs Pharaôn gen khai ò iat jơnau Môise mơ Arôn dê, tòm toh be jơnau Yàng Jehôwa neh đơs mơ Môise.

Lik Ejiptơ 10:1

Gen Yàng Jehôwa đơs mơ Môise lah: “Lòt tĕ tus hơ Pharaôn, bơh Añ neh lơh kră kơldang nùs khai dê mơ nùs ală cau kwang duh broă khai dê nàng Añ in lơh ală tềl krơi Añ jê digùl bol khai,

Lik Ejiptơ 11:10

Môise mơ Arôn lơh jơh ală tềl krơi do di đap Pharaôn, mơya Yàng Jehôwa lơh kơldang nùs Pharaôn dê, mơ khai ò bài lòi làng bol Israel in lik lòt bơh lơgar khai dê.

Esai 6:9

Kơnràñ đơs lah: “Lòt tĕ mơ đơs mơ làng bol do lah: ‘Iat tĕ! Mơya ò tŭ lơi dòp git; Sền tĕ! Mơya ò tŭ lơi git wă.’

Jang 12:39

Bơh bơta hơ̆ bol khai ò rgơi dòn, tài bơh Esai neh đơs tai lah: