Jang 10:1 - Sră Goh 2018

¹ “Ngan, Añ đơs ngan mơ bol mê, cau lơi ò bơh mpồng mơ mut tòm wàng belàt, mơya hào mut bơh gùng ndai, cau hơ̆ la cau ntung, cau kơñau.

Jang 10:1 Referans Kwoze

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Hebrơ 5:4

Mơ bơta ryŭ ryơm hơ̆ ò gơs cau lơi jòi is he in, mơya pal geh Yàng Tom Trồ hòi sac, kung be Arôn òr nau.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.

I Pier 1:10

Bơh bơta dong klàs hơ̆, ală cau gơnoar hwơr neh sền sơwì nền cê, mơ yal lài bơh bơta nđàc mơ Yàng Tom Trồ rơp ai oh mi in.

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jeremi 23:21

Añ òhềt sồr ală cau gơnoar hwơr do, Mơ bol khai neh ntoat; Añ òhềt đơs mơ bol khai, Mơya bol khai neh đơs hwơr.

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Jôel 2:9

Bol gơ brồ tus hơđang ƀòn dờng, ntoat hơđang ală dơrñang, bol gơhào mut tòm ală hìu, bol gơ mut bơh di mpồng dềt kung be ală cau kơñau.

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.