Jakơ 5:10 - Sră Goh 2018

¹⁰ Ơ oh mi, kah tĕ ală cau gơnoar hwơr neh ai sơnđan Yàng mơ đơs, đòm krơh tĕ bol khai neh kong ơt tòm bơta kong bòl glar jê sồt.

Jakơ 5:10 Referans Kwoze

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Broă 3:21

Bơtau hơ̆ pal geh ơm wơl hơđang trồ jơl tus di tŭ tơngai bơtào tơngguh wơl jơh ală phan, hơ̆ la bơta bơh yau òr mơ Yàng Tom Trồ neh kơnòm di bơr ală cau gơnoar hwơr sàng goh mơ đơs.

Luka 6:23

Tòm ngai hơ̆ hòn chò sơnđoh ñchừn tĕ, bơh phan ƀàn bol mê hơđang trồ la dờng; bơh ồng pàng bol khai kung lơh behơ̆ sơl gơwèt mơ ală cau gơnoar hwơr.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Esai 39:8

Ejekia ho wơl Esai lah: “Jơnau đơs Yàng Jehôwa dê mơ ồng pa yal wơl añ in iat hơ̆ la niam,” bơh bơtau kơlôi lah: “Rơp geh ring lơngai mơ ring niam tòm rài añ jê.”

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Jeremi 26:16

Ală kwang at bồ mơ jơh làng bol, đơs mơ ală cau gơnoar ơn phan duh khoai mơ ală cau gơnoar hwơr lah: “Cau do ò di pal chơt; bơh khai ai sơnđan Jehôwa Yàng Tom Trồ bol he dê mơ đơs mơ bol he.”

Jeremi 23:22

Dilah bol khai neh ntào tòm bơta bơyai Añ, Gen bol khai neh ràng tơlik jơnau Añ jê làng bol Añ in Mơ lơh bol khai in sang gùng iơh bol khai dê mơ broă iơh bol khai lơh.”

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Jakơ 5:9

Ơ oh mi, bañ yoam pơrhiat di gơp, tồ klàs di bơta cahrña; ne, Bơtau cahrña ơm di bơr mpồng.

Jakơ 5:13

Gơs cau lơi tòm ală oh mi tìp bơta bòl glar jê sồt sơl? Cau hơ̆ hòi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.