Jakơ 4:11 - Sră Goh 2018

¹¹ Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

Jakơ 4:11 Referans Kwoze

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

Jakơ 5:9

Ơ oh mi, bañ yoam pơrhiat di gơp, tồ klàs di bơta cahrña; ne, Bơtau cahrña ơm di bơr mpồng.

Luka 6:37

Bañ cahrña di cau lơi, gen bol mê rơp klàs bơta cahrña; bañ lơh nền glài cau lơi, gen bol mê rơp klàs bơta lơh nền glài; toh glài tĕ gen bol mê rơp geh toh glài.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Đơs Crih 140:11

Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

II Timôthe 3:3

ò gơs nùs nđàc, kalke gơsòc sòr wơl, jak đơs joh lah, ò git kơrhia, jàñ bơsak, ò gơboh di bơta niam,

I Timôthe 3:11

Cau ùr kung behơ̆ sơl, pal kràñ cê, ò di đơs iơh, pal git kơrhia mơ dòn song tòm jơh ală bơta.

Rôma 7:7

Behơ̆ mbe bol he kòñ đơs tiah? Bơta boh lam la tồi glài ơ? Ò di behơ̆! Mơya tài bơh bơta boh lam tàng añ git tồi glài, bơh dilah bơta boh lam ò đơs lah: “Mê bañ hàm hà,” gen añ ò git bơta hàm hà la ñchi.

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

Sră Pơyoa Pol Dê Pơyoa Tit In 2:3

Ală mò kra kung behơ̆ sơl, pal lơh lòt jat bơta sàng goh, ò di đơs iơh, ò di lơh gơs dĭ tơrnòm alak dê, mơya pal lơh gơs cau bơto bơta niam,

Jakơ 1:16

Ơ oh mi kòñ gơboh añ jê, bañ gơkòl pơrlồm.

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Jakơ 5:10

Ơ oh mi, kah tĕ ală cau gơnoar hwơr neh ai sơnđan Yàng mơ đơs, đòm krơh tĕ bol khai neh kong ơt tòm bơta kong bòl glar jê sồt.