Jakơ 4:10 - Sră Goh 2018

¹⁰ Tơnliah tĕ să he di đap Yàng, gen Kơnràñ rơp yò tơngguh oh mi.

Jakơ 4:10 Referans Kwoze

Đơs Crih 147:6

Yàng Jehôwa yò tơngguh cau kòl rồn bơklơn, Mơ tuh tơlup cau iơh bơsak tòm ù.

Mathiơ 23:12

Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

Đơs Crih 113:7

Kơnràñ yò đo cau rƀah bơh di kơmbuh ù, Tơngguh cau siơ̆u siar bơh di tiah thul ơmul,

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Đơs Crih 27:6

Tŭ do bồ añ pò tơngguh hơđang rlau mơ jơh ală cau sò tơm gùt dar añ; Tòm sàl Kơnràñ dê añ rơp ơn phan ơn duh khoai bal mơ jơnau driau dờng hòn chò; Añ rơp đơs chò mơ jòng ro Yàng Jehôwa.

Đơs Crih 30:1

Ơ Yàng Jehôwa, añ jòng ro Kơnràñ, bơh Kơnràñ neh yò tơngguh añ, Mơ ò ai gơnoar ală cau sò tơm in hòn chò bơh di añ.

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.

Đơs Crih 28:9

Ơ Yàng, dan dong klàs làng bol Kơnràñ dê; mơ ai lơngai sre brê Kơnràñ dê. Dan ê gàr mơ kơnđơt kơnđu bol khai jơl sùm sùm.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

I Samuel 2:7

Yàng Jehôwa lơh rƀah lơòi mơ ai pas gơs; Kơnràñ tơnliah cau, mơ Kơnràñ yò tơngguh cau.

II Yal Yau 7:14

dilah làng bol Añ jê la làng bol geh hòi mơ sơnđan Añ rơp tơnliah să bol khai dê mơ hòi dan jòi jat muh mat Añ mơ pơrlac sang gùng dà iơh bơsak bol khai dê, gen Añ rơp iat bơh hơđang trồ mơ rơp toh glài bol khai in mơ rơp sơmbòi lơgar bol khai dê.

Sră Jop 5:11

Kơnràñ ơn hơđang tiah jơnhoa ală cau bơh tiah liah, Ală cau moat jrùng ñìm rac geh yò tơngguh hơ tiah ring lơngai ngan.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Ejekiel 21:26

Jehôwa Yàng Tom Trồ đơs be do: ‘Hồ tĕ chèo pùt bồ, tă tĕ sơgơn bơtau. Ală bơta rơp ò gam wơl be lài òr! Cau liah hơđơm rơp geh yò tơngguh hơđang mơ cau neh geh yò hơđang rơp kong tơnliah hơđơm.