Jakơ 1:22 - Sră Goh 2018

²² Lơh jat tĕ jơnau Yàng, bañ mìng iat lơm mơ pơrlồm să he.

Jakơ 1:22 Referans Kwoze

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.

Jang 13:17

Dilah bol mê git ală bơta do mơ lơh jat, gen geh lơngai.

Jakơ 4:17

Gen tàng cau lơi git broă niam pal lơh mơ ò lơh gen tìs glài.

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Yal Tơlik 22:7

Do, añ tus mhar, lơngai cau lơi in prap gàr ală jơnau gơnoar hwơr tòm sră do!”

I Jang 3:7

Ơ ală kòn sau añ jê, bañ lòi cau lơi pơrlồm bol mê: Cau lơi lơh bơta song ring la song ring be Yàng la song ring.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

Galati 6:7

Bañ pơrlồm să he; Yàng Tom Trồ ò lòi cau sền òsơp di Yàng ò, bơh cau sih gar lơi, gen toès wơl gar hơ̆.

III Jang 1:11

Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.

Galati 6:3

Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Kôrintô 15:33

Bañ lòi cau pơrlồm he: “bơyô iơh lơh ƀơ̆ ƀơl nùs nhơm niam he dê.”

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Apdia 1:3

Nùs pơnhừ să mê dê neh pơrlồm mê; mê la cau ơm tòm ală tiah cìr pơnai lŭ dê, la ală cau ơm hơđang ală tiah jơnhoa, mê đơs òm tòm nùs mê dê lah: ‘Ñcau rơp cèng añ mù tus di ù taih?’

Esai 44:20

Cau hơ̆ sa bùh, nùs gơkòl pơrlồm neh lam khai lòt tìs; khai ò rgơi dong klàs să tòm khai, hala đơs lah: Ò di phan tòm tê ma añ do la phan ma blac ò ơ?”

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

Jeremi 11:6

Mơ Yàng Jehôwa đơs mơ añ lah: “Yal tơlik tĕ ală jơnau do tòm ală ƀòn dờng Juda dê mơ tòm ală gùng Jerusalem dê lah: ‘Iat tĕ ală jơnau ho bal do mơ lơh jat.’

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.