Jakơ 1:21 - Sră Goh 2018

²¹ Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.

Jakơ 1:21 Referans Kwoze

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Đơs Crih 25:9

Kơnràñ tề lam cau pơndêt să tòm bơta song, Bơto cau pơndêt să in git gùng dà Kơnràñ dê.

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

Sră Pơyoa Pol Dê Pơyoa Tit In 2:11

Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

I Kôrintô 15:2

Dilah oh mi prap kơ̆ jơnau añ neh bơto yal oh mi in, gen oh mi kung kơnòm di Jơnau Niam hơ̆ mơ geh dong klàs, dilah ò, gen bơta dòn oh mi dê la ò kwơ.

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Esai 30:22

Gen bol mê rơp lơh ƀơ̆ ƀơl ală rùp ràk ƀềp mơ priă mơ ală rùp duh khoai ƀềp màh bol mê dê; bol mê rơp sơrbì gơ kung be sang phan ƀơ̆ ƀơl mơ đơs mơ gơ lah: “Lik tĕ bơh do!”

Esai 2:20

Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

I Pier 1:9

Bơh oh mi dòp geh cồng nha bơh bơta dòn dê, la bơta dong klàs hwềng soàn he.

Rôma 11:17

Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt mơ ryas chi ôlibe hơ̆ dê,

Broă 10:33

gen añ sồr mo cau lòt jà ồng, mơ ồng neh niam nùs lòt tus hơ do. Behơ̆ tŭ do jơh ală bol hi ơm di đap Yàng Tom Trồ, nàng iat jơh ală bơta Yàng neh nting mơ ồng.”

Mathiơ 5:5

Lơngai ală cau gơs nùs niam lơnhơn in, bơh rơp geh pơrdòn ù.

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

Ephesô 5:4

Kung bañ đơs jơnau pàp tràl, hala đơs lềng, hala đơs lèo, hơ̆ la ală bơta ò di pal, mơya chan ưnngài Yàng Tom Trồ la niam rlau.

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Jakơ 5:20

gen pal git lah cau lơi tề lam cau glài rê wơl sang gùng tìs nrah, hơ̆ la dong hwềng soàn khai klàs bơh bơta chơt mơ jơm ndơp oă tồi glài.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.