Jakơ 1:19 - Sră Goh 2018

¹⁹ Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Jakơ 1:19 Referans Kwoze

Jơnau Pơnđik 17:27

Cau lơi kơrhia jơnau đơs gơs dơngoh jak; Ai cau gơs nùs ngềt la dô nă cau àng loh.

Jơnau Pơnđik 21:23

Cau lơi prap gàr bơr mơ lơmpiat he prap gàr hwềng soàn he klàs bơh bơta rung rài.

Jơnau Pơnđik 14:29

Cau òbat gơhào gơjrañ gơs bơta àng jak dờng; Mơya cau lơi jak gơhào nùs yò tơlik bơta kroă sơnrang.

Jơnau Pơnđik 10:19

Dilah oă jơnau, bơta tìs ò siơ̆u: Mơya cau git kơrhia đơs dô êt jơnau.

Jơnau Pơnđik 18:13

Ho wơl lài mơ tŭ iat, Hơ̆ la bơrngơl gơla mơ ƀàssìl ƀàsso.

Jơnau Pơnđik 13:3

Cau kơrmap gàr bơr he, geh prap gàr bơta kis he; Mơya cau lơi pò sơndồi he oă, gen kong roh gơprah.

Jơnau Pơnđik 16:32

Cau òbat gơhào gơjrañ lin rlau mơ cau pràn kơldang; Mơ cau lơi at bồ nùs he lin rlau mơ cau tòmpìt theng.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Jơnau Pơnđik 15:18

Cau mhar gơjrañ tơngguh bơta tòmlơh; Mơya cau kơ̆ dơn lơh rài bơta tòm pơndang bal.

Kôlôse 3:8

Mơya tŭ do oh mi tă sang tĕ jơh ală bơta hơ̆, la bơta gơhào nùs, bơta gơjrañ mañ, bơta bih khih, bơta bơrsèl tơnhial, mơ jơnau pàp tràl bơh di bơr oh mi.

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

Jơnau Pơnđik 18:21

Kis, chơt ơm hơđơm gơnoar lơmpiat dê; Cau kòñ gơboh gơ rơp sa plai đo gơ dê.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Jơnau Pơnđik 19:11

Cau gơs bơta jak chài òbat gơhào gơjrañ; khai bơh pơnro sơnđan mơ sang lòi bơta tìs glài.

Jơnau Pơnđik 15:2

Lơmpiat cau jak chài yal tơlik bơta git jak dô bă di pal; mơya bơr cau tùl gơla mìng tơlik jơnau bơrngơl gơla.

Jơnau Pơnđik 25:28

Cau lơi ò kơryan nùs he, ò gơkrơi be dô nơm ƀòn tơrlah, ò gơs dơrñang.

Jơnau Pơnđik 14:17

Cau duh nùs lơh lu lơh sơnrang; Mơ cau bơtào kai gơrmơ̆i kong gơjrañ.

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Jơnau Pơnđik 17:14

Sơntòm bơta tòmpìt tòmhà, be cau pò gùng dà in hòr; Dơh wơl lài mơ tŭ gơs bơta pơndang bal.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.

Luka 19:48

mơya ò rgơi jòi bơta lơi, bơh jơh làng bol kòñ ngan jat iat Kơnràñ.

Jơnau Niam Jat Mak 2:2

Bol khai pơjum tềng hơ̆ gal ngan tian gơs di bơr mpồng kung ò tai ha sơl. Kơnràñ bơto yal jơnau Yàng bol khai in.

Jơnau Pơnđik 19:19

Cau jak gơhào gơjrañ jàñ bơsak, rơp kong àñ glài; bơh dilah kòn dong tă khai, ngan pal dong tă wơl tai.

Broă 10:33

gen añ sồr mo cau lòt jà ồng, mơ ồng neh niam nùs lòt tus hơ do. Behơ̆ tŭ do jơh ală bol hi ơm di đap Yàng Tom Trồ, nàng iat jơh ală bơta Yàng neh nting mơ ồng.”

Broă 2:42

Ală cau hơ̆ kư̆ kơ̆ nùs prap bơta bơto sồr ală cau gơnoar bơto dờng dê, bơta gơtòmklac mơ oh mi, bơta dơrkă piang lă, mơ bơta hòi dan.

Luka 15:1

Tŭ hơ̆, jơh ală cau dar dia mơ ală cau glài lòt tus rềp hơ Yàng Jesu nàng iat jơnau Kơnràñ bơto.

Nehemi 9:3

Bol khai ntào tòm tiah bol khai dê mơ sền sră bơta boh lam Yàng Jehôwa Yàng Tom Trồ bol khai dê, tòm dô pơnah poan ngai dê, mơ tòm dô pơnah poan ndai bol khai yal glài mơ duh khoai Jehôwa Yàng Tom Trồ bol khai dê.

I Jang 2:21

Añ neh cih ală bol mê in, ò di tài bơh bol mê ò git jơnau song, mơya tài bơh bol mê git jơnau song, mơ git lah ò gơs bơta blac chừt lơi gơlik bơh jơnau song.

Broă 13:48

Tòm tŭ kơno jơnau hơ̆ gen làng bol bơdìh hòn chò ngan mơ jòng ro jơnau Yàng Tom Trồ, mơ ală cau neh geh lơh nền geh bơta kis gam sùm sùm gen gơlik gơs cau dòn.

Jơnau Niam Jat Mak 12:37

Bơh să tòm Dabit neh sơnđan Kơnràñ la Yàng gen mbe rgơi Kơnràñ la kòn khai dê taih?” Làng bol chò nùs kòñ iat Kơnràñ.

Nehemi 8:18

Bơh ngai do tus ngai ne, bơh ngai sơnròp tus di ngai lồi dut, khai sền tòm sră bơta boh lam Yàng Tom Trồ dê. Bol khai ñô sa tòm poh ngai; mơ tòm ngai phàm, gen gơs pơjum dờng màng jat be bơta neh lơh nền.

Khà Làng Bol 22:27

Tòm tŭ alàng gŏ cau gơnrơh Yàng Jehôwa dê, gơ bic di tiah hơđơm jơng Balaam dê, khai gơjrañ ngan mơ pù gơ mơ gai jra khai dê.

Jơnau Pơnđik 29:20

Kòn neh gŏ cau mhar ir tòm jơnau đơs he sơl? Dô nă cau tùl gơla gam gơs bơta gơn kơnòm rlau mơ khai sơl.

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Jakơ 1:2

Ơ oh mi añ jê, tòm tŭ oh mi tìp li bơta gơlòng bòl glar gen sền tĕ jơh ală bơta hơ̆ be la bơta hòn chò dờng,

Jakơ 1:16

Ơ oh mi kòñ gơboh añ jê, bañ gơkòl pơrlồm.

Jakơ 2:1

Ơ oh mi añ jê, oh mi neh dòn Yàng Jesu Krist la Yàng gơklŏ bol he dê, gen bañ cah is cau lơi.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Jakơ 3:10

Bơh dô nơm bơr mơ gơlik bơta jòng ro bal mơ bơta srat rma sơl? Ơ oh mi añ jê, bañ lơh behơ̆!

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

Jakơ 5:12

Mơya lài ngan, ơ oh mi añ jê, bañ srat să, bañ sơnio trồ, bañ sơnio tiah, kung bañ sơnio phan lơi ndai mơ srat să; mơya di gen đơs di, ò gen đơs ò, tồ klàs di bơta lơh nền glài.

Jakơ 5:19

Ơ oh mi añ jê, dilah tòm ală oh mi gơs cau lơi tìs nrah ngài mơ jơnau song, mơ gơs cau ndai tề lam khai rê wơl,

Sră Jop 32:16

Mơ añ la cau ơm gơn tòm tŭ bol khai ơm mŏ mŏ, tài bơh bol khai ntào tềng hơ̆ mơ ò gơs jơnau ho tai ơ?