Jakơ 1:18 - Sră Goh 2018

¹⁸ Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

Jakơ 1:18 Referans Kwoze

I Pier 1:23

Oh mi neh geh deh wơl pa, ò di bơh gar sơntìl ồm lề, mơya bơh gar sơntìl ò ồm lề, hơ̆ la jơnau kis gam sùm mơ nền cê Yàng Tom Trồ dê.

Jang 1:13

Cau hơ̆ ò di deh bơh mhàm, ò di bơh nùs kòñ poac să, kung ò di bơh nùs kòñ cau dê, mơya deh bơh Yàng Tom Trồ.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Jeremi 2:3

Israel la làng bol sàng goh Yàng Jehôwa in; La plai bồ sơnam cồng nha Kơnràñ dê. Dilah cau lơi sa loan làng bol hơ̆ rơp gơkòl glài; Bơta rung rài neh tus hơđang bol khai.’” Yàng Jehôwa đơs behơ̆.

Ephesô 1:12

Nùs kòñ hơ̆ la bol he, la cau sơnròp ngan neh kơnòm di Bơtau Krist, pal kis dô bă di pal nàng jòng ro bơta gơklŏ Kơnràñ dê.

I Jang 3:9

Cau lơi tơnggơs bơh Yàng Tom Trồ gen ò tìs glài, tài bơh gar sơntìl Yàng Tom Trồ dê ơm sùm tòm khai; mơ khai ò rgơi tìs glài, tài bơh neh tơnggơs bơh Yàng Tom Trồ.

Hebrơ 12:23

tus hơ Hìu Jum Goh ală kòn tơnhoa dê neh cih sơnđan mat hơđang trồ, tus hơ Yàng Tom Trồ la Kwang Cahrña tơl nă cau, tus hơ hwềng soàn ală cau song ring dê neh geh wil tơl,

Jakơ 1:21

Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.

I Kôrintô 4:15

Bulah oh mi gơs jơt rbô nă cau bơto tòm Bơtau Krist, mơya oh mi ò gơs oă bèp; bơh tòm Yàng Krist Jesu añ neh tơnggơs oh mi bơh Jơnau Niam.

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Lebi 23:10

“Yal tĕ mơ cau Israel mơ đơs mơ bol khai lah: ‘Tòm tŭ bol mê mut tòm lơgar mơ Añ rơp ai bol mê in mơ bol mê toès kòi gơ dê, cèng tĕ cau gơnoar ơn phan duh khoai in dô cap kòi sơnròp mơ bol mê neh toès.

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

II Timôthe 2:15

Jơh nùs tĕ tơlik mat nàng niam nùs Yàng Tom Trồ, be dô nă cau lơh broă ò ƀàssìl yal tơlik jơnau song dê dô bă song ngan.

Jakơ 1:15

Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.

Jakơ 3:14

Mơya dilah tòm nùs oh mi gơs bơta ƀoah gơjrañ, sràt bơtang mơ lơh kơnềs, gen bañ jòng să mơ đơs blac tòmdră mơ jơnau song.