Jakơ 1:15 - Sră Goh 2018

¹⁵ Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.

Jakơ 1:15 Referans Kwoze

Đơs Crih 7:14

Ne, kung be cau ùr bun bơta iơh, Cau iơh bơsak bun bơta tồi glài iơh bơsak, mơ deh bơta blac chừt.

Sră Jop 15:35

Bol khai bun bơta tồi glài mơ tơnggơs bơta iơh bơsak, Nùs bol khai dê rcang bơta blac pơrlồm.”

Sơnròp Gơlik Gơs 2:17

mơya chi git bơta niam mơ bơta iơh, gen bañ sa gơ, bơh ngai lơi mê sa, ngan mê rơp chơt.”

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Mathiơ 26:14

Tŭ hơ̆ gơs dô nă cau tòm jơt bàr nă cau bơtê sơnđan la Juda Iskariôt, lòt tus hơ ală cau gơnoar lam bồ ơn phan duh khoai,

Đơs Crih 9:17

Cau iơh bơsak gơkòl tơlo dùh tòm lơgar làng ƀồc, Mơ jơh ală lơgar hŭi Yàng Tom Trồ kung behơ̆ sơl.

II Samuel 11:4

Behơ̆ Dabit sồr cau cèng khai tus, mơ bơtau bic mơ khai. Tơnơ̆ mơ tŭ neh lơh goh să khai bơh di bơta ƀơ̆ ƀơl, gen khai rê hìu.

Jơnau Pơnđik 11:19

Cau lơi kơ̆ nùs ơm song ring gen rơp kis; Ai cau ting jat bơta iơh rơp chơt.

Esai 33:11

Bol mê rơp bun nsiap mơ deh rhe; nhơm tă bol mê dê la ồs rơp chu pơrguc bol mê.

Mathiơ 5:28

Mơya Añ đơs mơ bol mê, dilah cau lơi sền cau ùr mơ gơs nùs hàm kòñ di khai, gen tòm nùs neh tìs glài rềs àr bơrnàn mơ khai rau.

Jakơ 1:14

Mơya kòp nă cau kòl tòm bơta ơniai tòm tŭ gơs bơta hàm kòñ is chồl bơtrut he.

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.