I Samuel 28:3 - Sră Goh 2018

³ Tŭ hơ̆ Samuel neh chơt, mơ jơh Israel neh ñìm rac bơh khai mơ tơp khai tòm Rama, ƀòn tòm khai dê. Sol neh bơtrơh tơlik ală cau bơsìh mơ ală cau gru bơjơu bơh di lơgar.

I Samuel 28:3 Referans Kwoze

I Samuel 25:1

Tŭ hơ̆ Samuel sang rài, jơh Israel pơjum ñìm ƀồc mơ tơp khai tòm ƀòn khai dê tòm Ramah. Gen Dabit ñă mù hơ ƀlàng ngềt ngơt Maan.

Lebi 20:27

Dô nă cau klau hala cau ùr sền dà hala juh proh digùl bol mê gen pal kong tơnchơt. Bol mê pal cơm lŭ tơnchơt bol khai; mhàm bol khai rơp gơtuh wơl hơđang bồ să tòm bol khai dê.’”

Lebi 19:31

Bañ wèt hơ ală cau gru bơjơu hala jòi jat ală cau juh proh bơh bol mê rơp gơlik ƀơ̆ ƀơl bơh bol khai. Añ la Jehôwa Yàng Tom Trồ bol mê dê.

Lik Ejiptơ 22:18

Bañ lòi kis cau ùr gơs gru bơjơu.

I Samuel 28:9

Mơya cau ùr đơs mơ khai lah: “Ngan la ồng git bơta Sol neh lơh. Khai neh tơnroh ală cau bơjơu mơ ală cau bơsìh bơh lơgar. Ñchi bơh tài ồng pơt dă nàng cèng bơta chơt añ in taih?”

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”

I Samuel 7:17

Gen khai rê wơl hơ Rama la tiah gơs hìu ơm khai dê, tềng hơ̆ khai kung cahrña Israel, mơ khai bơt bơtào dô nơm cơnòng duh khoai Yàng Jehôwa in tềng hơ̆.

Lebi 20:6

Añ rơp wèt mat tòmdră mơ cau jòi jat ală cau gru bơjơu mơ ală cau juh proh mơ să tòm bol khai rềs àr mơ bol hơ̆, mơ Añ rơp tă sang bol khai bơh di làng bol khai dê.

Lik Ejiptơ 22:17

Dilah bèp cau ơruh dềt hơ̆ lơh nền ò ai kòn ùr khai dê tòmbau mơ cau klau hơ̆, gen cau klau hơ̆ kung pal dap khà priă tòm toh khà priă tòmbau cau ơruh dềt hơ̆ in.