I Samuel 27:9 - Sră Goh 2018

⁹ Dabit brồ lơh ƀòn lơi gen khai ò lòi kis dô nă cau klau hala dô nă cau ùr lơi, mơya khai kup cèng ală belàt, ală kơnrồ, ală alàng, ală làkđa mơ ală ồi ào, gen rê wơl hơ Akis.

I Samuel 27:9 Referans Kwoze

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 15:7

Gen Sol brồ lơh jơh ală cau Amalek bơh Abila tus hơ Sur, tus hơ đah mattơngai lik Ejiptơ dê.

Jôsue 6:21

Bol khai ơn jơh ală phan tòm ƀòn dờng bơta tơnroh in, ai đào tơnchơt jơh cau klau mơ cau ùr, cau kơnòm mơ cau kra, kơnrồ, belàt mơ alàng.

Lik Ejiptơ 15:22

Gen Môise neh lam làng bol Israel lòt bơh Dàlềng Pơrhê mơ bol khai lòt tus tòm ƀlàng ngềt ngơt Sur. Tòm pe ngai bol khai lòt tòm ƀlàng ngềt ngơt, jòi ò geh dà hùc.

Sơnròp Gơlik Gơs 25:18

Ală kòn sau khai ơm bơh Habila tus hơ Sur di gah nhàr Ejiptơ, tiah gùng lòt tus hơ Asiri. Ơm cah is bơh ală oh mi khai dê.

Sơnròp Gơlik Gơs 16:7

Mơya cau gơnrơh Yàng Jehôwa dê gŏ khai ơm rềp dê gah croh dà tòm ƀlàng ngềt ngơt, dà croh tòm gùng lòt hơ Sur,

I Samuel 15:8

Mơ khai kup kis Agak la bơtau Amalek dê mơ ai đào tơnroh jơh làng bol hơ̆.

Sră Jop 1:3

Khai gơs poh rbô belàt, pe rbô làkđa, pram rhiang yô kơnrồ, pram rhiang alàng me, mơ oă ngan cau duh broă. Gen tàng khai la cau pas gơs tiơng pơnro rlau jơh tòm ală làng bol ơm đah mattơngai lik.