I Samuel 22:10 - Sră Goh 2018

¹⁰ Ahimelek hòi lùp Yàng Jehôwa khai in, kung neh ai khai in phan ngui sa bal mơ đào Gôliat dê la cau Philistin.”

I Samuel 22:10 Referans Kwoze

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

I Samuel 30:8

Mơ Dabit hòi lùp Yàng Jehôwa lah: “Añ pal ting jat mpồl phà kơñau do sơl? Añ rơp bàn bol khai sơl?” Yàng Jehôwa ho lah: “Ting jat tĕ, ngan mê rơp bàn bol khai mơ rgơi dong tă ală cau kòl kup.”

I Samuel 23:4

Gen Dabit hòi lùp Yàng Jehôwa tai mơ Yàng Jehôwa ho khai lah: “Mù tĕ hơ Keila, bơh añ rơp jào cau Philistin tòm tê mê dê.”

I Samuel 23:2

Dabit hòi lùp Yàng Jehôwa lah: “Añ pal lòt brồ lơh ală cau Philistin do sơl?” Yàng Jehôwa ho lah: “Lòt tĕ brồ lơh cau Philistin mơ dong tă Keila.”

I Samuel 23:12

Gen Dabit lùp tai lah: “Ală cau klau Keila rơp jào añ mơ ală cau añ jê tòm tê Sol sơl ơ?” Yàng Jehôwa ho lah: “Bol khai rơp jào bol mê.”

I Samuel 22:15

Ngai hơ̆ la dơ̆ sơnròp añ hòi lùp Yàng Tom Trồ khai in sơl ơ? Ngan la ò di behơ̆ ò! Dan bơtau bañ tuh glài di añ la cau duh broă bơtau dê hala di hìu nhă bèp añ jê bơh cau duh broă bơtau dê ò git dô êt lơi bơh jơh ală bơta do.”

I Samuel 22:13

Sol đơs mơ khai lah: “Ñchi bơh tài mê neh bơyai òm jòi bơta tòmdră mơ añ, mê bal mơ kòn klau Jese dê, mê neh ai khai in piang lă mơ dô nơm đào, mơ neh hòi lùp Yàng Jehôwa khai in nàng khai tòmdră mơ añ mơ kơp brồ lơh añ be khai neh lơh tòm ngai do taih?”

I Samuel 10:22

Behơ̆ bol khai lùp tai Yàng Jehôwa lah: “Ơ Yàng, cau hơ̆ neh tus tềng do sơl?” Yàng Jehôwa ho lah: “Sền ne khai ơm pồn să he digùl ală phan mơna.”

I Samuel 22:11

Gen cau bơtau sồr hòi Ahimelek, kòn klau Ahitup bal mơ jơh hìu nhă bèp khai dê la ală cau gơnoar ơn phan duh khoai tòm Nôp, mơ jơh tơl nă bol khai lòt tus hơ bơtau.

I Samuel 21:10

Tòm ngai hơ̆ Dabit dô pleh bơh di Sol mơ lòt tus hơ Akis bơtau Gat dê.