I Samuel 18:10 - Sră Goh 2018

¹⁰ Ngai tơnơ̆, gơs dô nơm hwềng iơh bơh Yàng Tom Trồ sồr tus dô bă pràn kơldang ngan hơđang Sol. Khai ơm đơs is khai dê kung be cau sơnrang tòm hìu khai dê, Dabit pĕ kơñi be òs. Sol at tà tòm tê,

I Samuel 18:10 Referans Kwoze

II Tesalônika 2:11

Tài behơ̆ mơ Yàng Tom Trồ jào phi bol khai tòm bơta bơto tìs nrah, nàng lơh bol khai dòn bơta ma blac,

I Ală Bơtau 18:29

Tŭ rlau mơ nggùl ngai rau, bol khai kư̆ đơs hwơr behơ̆ jơl tus di jơ ơn phan pơdơng bơsàp trồ mho, mơya kung ò gơs sap đơs lơi, ò gơs jơnau ho wơl, mơ ò gơs cau lơi ho wơl.

I Samuel 19:9

Gen Yàng Jehôwa sồr dô nơm hwềng iơh tus hơđang Sol, khai nggui tòm hìu at tà tòm tê, tòm tŭ Dabit pĕ kơñi.

Broă 16:16

Dô ngai ne, bol hi lòt tus hơ tiah hòi dan, gen tìp dô nă cau dĭ ùr kòl cà Phithôn mut mơ ai khai in yal lài bơta rơp gơlik tus. Khai jòi geh oă ngan priă cau tòm khai in tòm bơta juh proh.

I Samuel 16:23

Tŭ lơi hwềng iơh bơsak mơ Yàng Tom Trồ sồr tus hơđang Sol, gen Dabit ai kơñi pĕ gơ mơ tê khai dê, gen Sol geh rài bơta bòl glar, mơ geh niam rlau mơ hwềng iơh lik bơh di khai.

Jeremi 28:11

Chòp, Hanania đơs di đap jơh làng bol lah: “Yàng Jehôwa đơs be do: ‘Añ rơp dơrpă yô Nebukatnessar dê, bơtau Babilôn, bơh ngko kòp nơm lơgar kung behơ̆ tòm bàr sơnam.’” Gen cau gơnoar hwơr Jeremi lik lòt.

I Ală Bơtau 22:12

Mơ jơh ală cau gơnoar hwơr gen đơs ndròm bal behơ̆, mơ đơs lah: “Guh tĕ hơ Ramôt tòm Galaat mơ geh pha; Yàng Jehôwa rơp jào gơtòm tê bơtau.”

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’

I Samuel 18:9

Mơ bơh di ngai hơ̆ Sol sền di Dabit mơ gar mat ƀoah gơjrañ.

I Samuel 19:7

Behơ̆, Jônathan hòi Dabit mơ yal wơl khai in jơh ală jơnau neh tòmbơhbơr digùl khai mơ Sol. Khai lam Dabit tus hơ Sol mơ Dabit ơm bal mơ Sol kung be lài òr.

Ală Kwang Cahrña 16:20

Gen cau ùr hơ̆ hòi lah: “Ơ Samsôn, cau Philistin brồ kup mê!” Samsôn kah rngal mơ đơs lah: “Añ rơp lik lòt be lài, mơ rtơs să khai lòt khat gơboh.” Mơya khai ò git la Yàng Jehôwa neh sang lòi khai.

I Samuel 19:10

Sol kòñ ai tà tơng Dabit pơng di dơrñang; mơya Dabit pleh klàs, behơ̆ tà gơ tơng di dơrñang. Tòm mang hơ̆ Dabit dô mơ pleh klàs.